ސްރީލަންކާގެ މިނިވަންދުވަހުގެ މުނާސަބަތުގައި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ތަހުނިޔާ ފޮނުއްވައިފިއެވެ.

ސްރީލަންކާގެ 75 މިނިވަން ދުވަހުގެ މުނާސަބަތުގައި ރައީސް ސާލިހު ކުރެއްވި ތަހުނިޔާގެ ޓްވީޓްގައި ވަނީ ސްރީލަންކާގެ މިނިވަން ދުވަހުގެ މުނާސަބަތުގައި އެ ޤައުމުގެ ރައީސް ރަނިލް ވިކްރަމަސިންހައާއި އެ ޤައުމުގެ ރައްޔިތުންނަށް ތަހުނިޔާއާ ހެޔޮ އެދުންތައް ފޮނުއްވާފައެވެ.

ރައީސް ސާލިހުގެ ޓްވީޓްގައި ވަނީ ކުރިއަށް އޮތްތަނުގައިވެސް ދެ ޤައުމުގެ ދެމުގައި އޮތް އަހުވަންތަ ގުޅުން އެގޮތުގައި ދެމިއޮންނާނެކަމަށްވެސް ވިދާޅުވިއެވެ.

On the occasion of Sri Lanka’s 75th Independence Day, I send greetings and best wishes to our cousins, the Sri Lankan people and President @RW_UNP and government of Sri Lanka. Maldives will long continue to cherish the fraternal ties of friendship we enjoy with Sri Lanka.

— Ibrahim Mohamed Solih (@ibusolih) February 4, 2023

ސްރީލަންކާގެ މިނިވަންދުވަހުގެ ގޮތުގައި ފާހަގަކުރަނީ ފެބްރުއަރީ މަހުގެ 4 ވަނަ ދުވަހެވެ.

ސްރީލަންކާގެ މިނިވަން ދުވަސް ފާހަގަކުރުމަށް މިއަހަރު ގިނަ ހަރަކާތްތަކަށް ހިންގުމަށް ވަނީ ހަމަޖެހިފައެވެ.

ސްރީލަންކާގެ މިނިވަން ދުވަހާއި ގުޅިގެން ބާއްވާ ހަރަކާތްތަކުގައި ބައިވެރިވެވަޑައިގަތުމަށް ރާއްޖޭގެ ހާރިޖީ ވަޒީރު އަބްދުﷲ ޝާހިދު ވަނީ ލަންކާއަށް ވަޑައިގެންފައެވެ.