ހިތަދޫ ކޯޓުގެ މެޖިސްޓްރޭޓްގެ ސުލުކީ މައްސަލައެއް ބަލަން ޖުޑީޝަލް ސަރވިސް ކޮމިޝަން، ޖޭއެސްސީން ނިންމައިފިއެވެ.

ޖޭއެސްސީން ބުނީ ފަނޑިޔާރުކަމުގެ މަސްޢޫލިއްޔަތު އަދާކުރުމުގައާއި ކޯޓު ހަވާލުވުމުގެ ކަންކަމުގައި އަދި އެ ކޯޓުން ހިންގަންޖެހޭ ޝަރީއަތުގެ މަޖްލިސްތައް ހިންގުމުގައި ޒިންމާދާރުކަން ކުޑަކޮށް، މެޖިސްޓްރޭޓް އަލްއުސްތާޛާ ޒިޔާދާ ޠާހިރު ޢަމަލުކޮށްފައިވާކަމަށް ބުނާ މައްސަލައެއް ހުށަހެޅިފައިވާކަމަށެވެ.

ޖޭއެސްސީން ބުނީ އެ މައްސަލައަކީ ސ.ހިތަދޫ މެޖިސްޓްރޭޓް ކޯޓުގެ މެޖިސްޓްރޭޓް އަލްއުސްތާޛާ ޒިޔާދާ ޠާހިރުގެ ސުލޫކީ މައްސަލައެއް ގޮތުގައި ބެލުމަށް ކޮމިޝަނުން ނިންމާފައިވާކަމަށެވެ. އަދި އެ މައްސަލަ ބެލުމަށް ތަޙްޤީޤު ކޮމިޓީއެއް އެކުލަވާލެވިފައިވާކަމަށްވެސް ޖޭއެސްސީން ބުނެއެވެ.