ތ.ވިލުފުށީ ގޮނޑުދޮށް ހިމާޔަތްކުރުމުގެ މަޝްރޫޢު ފަށަން ސަރުކާރުން ތައްޔާރުވެއްޖެއެވެ.

އެމްޓިސީސީން ބުނީ ތ. ވިލުފުށީ ގޮނޑުދޮށް ހިމާޔަތް ކުރުމުގެ މަޝްރޫޢުގެ އަމަލީ މަސައްކަތް ފެށުމަށްޓަކައި، އިއްޔެ ޕްރޮޖެކްޓް ސައިޓް މޮބިލައިޒްކޮށްފައިވާކަމަށެވެ. އަދި މިހާރު ކުރިއަށްދަނީ އީ.އައި.އޭ. މަސައްކަތްތައްކަމަށްވެސް އެމްޓިސީސީން ބުނެއެވެ.

ތ. ވިލުފުށީ ގޮނޑުދޮށް ހިމާޔަތް ކުރުމުގެ މަޝްރޫޢުގެ އަމަލީ މަސައްކަތް ފެށުމަށްޓަކައި، 24 ޖެނުއަރީ 2023 ވަނަ ދުވަހު ޕްރޮޖެކްޓް ސައިޓް މޮބިލައިޒްކޮށްފި. މިހާރު ކުރިއަށްދަނީ އީ.އައި.އޭ. މަސައްކަތްތައް.#MTCCProjects #RayyithungeKunfuni pic.twitter.com/5iuCfIdNhL

— MTCC Plc (@MTCCPlc) January 25, 2023

އެމްޓިސީސީން ބުނީ މި މަޝްރޫޢުގެ ދަށުން، 3047 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 1869 ކިއުބިކް މީޓަރުގެ ފަތާ ސަރަޙައްދު ފުންކުރުމާއި، 184 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 135 މީޓަރުގެ ސަރަޙައްދެއްގައި ގްރޮއިން ޖެހުން ހިމެނޭކަމަށެވެ. އަދި ފަތާ ސަރަޙައްދު ވަށައިގެން ބެރިއަރ ފްލޯޓްސް ހަރުކުރުމުގެ މަސައްކަތްވެސް ކުރާނެކަމަށް އެމްޓިސީސީން ބުނެއެވެ.

އެމްޓިސީސީން ބުނީ މި މަޝްރޫޢަކީ 11.9 މިލިއަން ރުފިޔާގެ މަޝްރޫޢެއްކަމަށެވެ.