މިނިސްްޓްރީ އޮފް ޕްލޭނިންގ، ހައުސިންގ އެންޑް އިންފްރާސްޓްރަކްޗަރއިން 5 ރަށެއްގެ ކޯޒްވޭގެ މަސައްކަތް އެމްޓީސީސީއާ ހަވާލުކޮށްފިއެވެ.

މި މަސައްކަތްތައް އެމްޓިސީސީއާ ހަވާލުކޮށްފައިވަނީ މިއަދު ޕްލޭނިންގ މިނިސްްޓްރީންގައި ބޭއްވި ރަސްމިއްޔާތެއްގައެވެ.

މިއަދު އެމްޓިސީސީއާ ހަވާކުކޮށްފައިވަނީ ‏ލ. ކަލައިދޫ، ލ. ދަނބިދޫ ކޯޒްވޭ މަޝްރޫޢު އާއި ލ. ހިތަދޫ، ލ. މެންދޫ އަދި ލ. ކުނަހަންދޫ ކޯޒްވޭ މަޝްރޫޢުއެވެ.

ލ. ކަލައިދޫ، ލ. ދަނބިދޫ ކޯޒްވޭ މަޝްރޫޢު މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އާ ހަވާލުކޮށްފި.

155،941،090.92 ރުފިޔާއަށް މި މަޝްރޫޢު ހަވާލުކޮށްފައިވަނީ 550 ދުވަހުގެ ތެރޭގައި ނިންމުމަށް. pic.twitter.com/4Z0iaOe6Nt

— Min.of National Planning, Housing & Infrastructure (@MoNPHImv) January 22, 2023

‏ލ. ކަލައިދޫ، ލ. ދަނބިދޫ ކޯޒްވޭ މަޝްރޫޢު މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އާ ހަވާލުކުރީ 155 މިލިއަން ރުފިޔާއަށް 550 ދުވަހުގެ ތެރޭގައި ނިންމާގޮތަށެވެ.

‏ލ. ހިތަދޫ، ލ. މެންދޫ އަދި ލ. ކުނަހަންދޫ ކޯޒްވޭ މަޝްރޫޢު މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އާ ހަވާލުކުރީ 81 މިލިއަން ރުފިޔާއަށް 500 ދުވަހުގެ ތެރޭގައި ނިންމުމަަށެވެ..