ވިލިމާލެއިން ފުރި ތެޔޮ ބޯޓަކުން ގެއްލިގެން ހޯދަމުންދިޔަ 2 މީހުންގެ ތެރެއިން އެކަކު ފެނިއްޖެއެވެ.

މިމަހުގެ 1 ވަނަ ދުވަހުން ފެށިގެން ފުލުހުން ހޯދަމުންދިޔައީ ގދ. ތިނަދޫ / މަނާރު، ޢުމުރުން 45 އަހަރުގެ މުޙައްމަދު ނިޡާމާއި ޢުމުރުން 35 އަހަރުގެ މުހައްމަދު ލިޓަން ނަމަކަށް ކިޔާ ބިދޭސީއެކެވެ.

ފުލުހުން ބުނީ ވިލިމާލެއިން ގެއްލިގެން، ހަބަރެއް ނުވެގެން ހޯދަމުންދިޔަ 2 މީހުންގެ ތެރެއިން އެކަކު މާލޭގެ ގެސްޓް ހައުސްއެއްގައި ހުއްޓާ ފެނިފައިވާކަމަށެެވެ. އަދި އޭނާގެ ޙާލު ރަނގަޅުކަމަށްވެސް ފުލުހުން ބުނެއެވެ.

އަޕްޑޭޓް:

ގެއްލިގެން ހޯދަމުންދާ ދެ މީހުންގެ ތެރެއިން ގދ. ތިނަދޫ / މަނާރު، މުޙައްމަދު ނިޡާމް (45އ) މިއަދު ވަނީ ފެނިފަ. އޭނާ ފެނިފައިވަނީ މާލެ، ގެސްޓް ހައުސް އަކުން. އޭނާގެ ހާލު ރަނގަޅު. https://t.co/XvwUEax49Y

— Maldives Police (@PoliceMv) January 3, 2023

ފުލުހުން ބުނީ ގެއްލިގެން ހޯދަމުންދިޔަ 2 މީހުންގެ ތެރެއިން އެކަކު ފެނުނަސް، ބަންގްލަދޭޝް މީހާ އަދިވެސް ނުފެންނަކަމަށެވެ. އަދި އޭނާ ހޯދުމުގެ މަސައްކަތްކުރަމުންދާކަމަށް ފުލުހުން ބުނެއެވެ.

ބަންގްލަދޭޝްގެ މީހަކު ގެއްލިގެން ހޯދަމުންދާއިރު ވ.ވެމްޕަރު ފަޅުގެ ހުޅަނގު އުތުރު ކަނޑުން އިންސާނެއްގެ ހަށިގަނޑެއް އިއްޔެ ވަނީ ފެނިފައެވެ.