ދުނިޔޭގެ ކަނޑުތަކުން މަދުން ނޫނީ ނުފެންނަ "ސަންފިޝް" އެއް ރާއްޖެއިން ބާނައިފިއެވެ.

ގާތްގަނޑަކަށް 6 ފޫޓް ދިގު، ފުޅާމިނުގައި 4 ފޫޓް ހުރި މި މަސް ބޭނީ ބ. އަތޮޅު ފުޅަދޫ މަސްވެރިންތަކެކެވެ.

ރާއްޖޭގައި ހިމާޔަތްކޮށްފައިވާ މަސްތަކުގެ ތެރޭގައި ނުހިމެނޭ އެ މަސް ބޭނީ ފުޅަދޫގެ ހުޅަނގު ކަނޑުތެރެއިން ކަނޑި ހިބަރު ބާނަން ނުކުމެ އުޅުން ބަޔަކުކަމަށް މައުލޫމާތު ލިބެއެވެ.

މި މަސް އަޑިން ނެގިއިރު ވަރަށް ބޮޑަށް ވައި އަރައިފައި އޮތުމުން ސަލާމަތް ކުރެވޭނެ އެއްވެސް ގޮތެއް ނެތުމުން، އެ މަސް ވަނީ މަސްވެރިން ރަށަށް ގެނެސްފައެވެ.

މިހާތަނަށް ދިވެހި ނަމެއް ދީފައި ނުވާ މިމަހަށް އާންމުކޮށް ކިޔަނީ މޮލަމޮލަ މަސްކަމަށް ބައެއް ފަރާތްތަކުން ބުނެއެވެ.