ޖަޕާނު ސަރުކާރުން ދިވެހިރާއްޖެއަށް 80 މިލިއަން ރުފިޔާ ނުވަތަ 700 މިލިއަން ޔެންގެ އެހީއެއް ދީފިއެވެ.

މިއީ ރާއްކާތެރިގޮތުގައި ކުނި މެނޭޖްކުރުމުގެ ދާއިރާއިން އެހީތެރިވުމަށް ދިން އެހީއެކެވެ.

މި އެހީ ރާއްޖެއާއި ހަވާލުކުރުމުގެ އެއްބަސްވުން ޤާއިމުކޮށްފައިވަނީ، ޖަޕާނު ސަރުކާރުގެ ސްޓޭޓް މިނިސްޓަރ ފޮރ ފޮރިން އެފެއަރސް ޓަކެއީ ޝުންސްކޭ މިހާރު ރާއްޖެއަށް ކުރައްވަމުންދާ ދަތުރުފުޅުގެ ތެރެއިންނެވެ.

Japan committed a grant of USD 5.4 million in the E/N signing ceremony conducted in @MoFAmv. This grant project is to address environmental deterioration by supporting the government to establish a proper waste collection and segregation all across Maldives. @ODA_mofa_japan pic.twitter.com/XWX9bU418X

— Embassy of Japan in Maldives (@JapaninMaldives) December 19, 2022

މިކަމަށްޓަކާއި ފޮރިން މިނިސްޓްރީގައި ބޭއްވި ރަސްމިއްޔާތުގައި ރާއްޖޭގެ ފަރާތުން މި އެއްބަސްވުމުގައި ސޮއިކުރެއްވީ ފޮރިން މިނިސްޓްރީގެ ސްޓޭޓް މިނިސްޓަރ އަޙުމަދު ޚަލީލްއެވެ. އަދި ޖަޕާނު ސަރުކާރުގެ ފަރާތުން ސޮއިކުރެއްވީ އެ ޤައުމުގެ ފޮރިން މިނިސްޓްރީގެ ސްޓޭޓް ޓަކެއީ ޝުންސްކޭއެވެެ.

ރައްކާތެރިގޮތުގައި ކުނި މެނޭޖްކުރުމަކީ ތިމާވެށީގެ ދާއިރާއިން ސަރުކާރުގެ މުހިންމު ތަޞައްވުރާއި ގުޅިފައިވާ ކަމެއްކަން ފާހަގަކުރައްވާ ސްޓޭޓް މިނިސްޓަރ ވިދާޅުވީ، އަދިވެސް މި ދާއިރާ ތަރައްޤީކުރުމުގައި ގިނަ ގޮންޖެހުންތައް ހުރިކަމަށެވެ.

ޖަޕާނާއި ރާއްޖެއާއި ސިޔާސީ ގުޅުން ޤާއިމުކުރިތާ މިއަހަރު ވަނީ 55 އަހަރު ފުރިފައެވެ. ޖަޕާނުން އަންނަނީ ރާއްޖޭގެ ތަޢުލީ ދާއިރާއާއި ސިއްޙީ ދާއިރާ، ތިމާވެށީގެ ދާއިރާ އަދި އާއްމު އިޖްތިމާޢީ ދާއިރާތަކުންވެސް ގިނަގުނަ އެހީތައް ފޯރުކޮށްދެމުންނެވެ.