ރައީސުލްޖުމްހޫރިއްޔާ އިބްރާހީމް މުހައްމަދު ސާލީހު ދެވަނަ ދައުރަކަށް އިންތިހާބުކުރަން ތާއީދުކުރަނީ ކޯވިޑްގެ ހާލަތުން އަރައިގަތުމަށް ކުރެއްވި މަސައްކަތްޕުޅުގެ ސަބަބުންކަމަށް މަރަދޫ ދާއިރާގެ މެންބަރު އިބްރާހީމް ޝަރީފް (އައްޑޫ ޝަރީފް) ވިދާޅުވެއްޖެއެވެ.
ޝަރީފް މިހެން ވިދާޅުވެފައި މިވަނީ ކުރިއަށް އޮތް އެމްޑީޕީގެ ޕްރައިމަރީގައި ވާދަކުރުމަށް އެމްޑީޕީގެ އެންމެ އިސް ލީޑަރު އަދި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ނިންމެވުމާއި ގުޅިގެނެވެ.
ޝަރީފް ވިދާޅުވީ ކޯވިޑްގެ ކާރިސާތެރޭގައި ރައީސް ސާލިހު ގައުމު ސަލާމަތުގެ އައްސޭރި ގެންގޮސްދެއްވީ ބޮޑެތި ގޮންޖެހުންތަކާއި ކެރިގެން ކުރިމަތިލައްވައިގެން ކަމަށެވެ. އަދި ވިސްނުންތެރިކަމާއި ޙިކުމަތްތެރިކަމާއެކު ރައީސް ސާލިހު ކުރެއްވި މަސައްކަތުން ސަރުކާރު މެނޭޖްކުރެވިފައިވާކަން ޝަރީފް ފާހަގަކުރެއްވިއެެވެ.
އެމްޑީޕީގެ ޕްރައިމަރީ އަންނަމަހު ބާއްވަން ނިންމާފައިވާއިރު ޕްރައިމަރީގައި ވާދަކުރައްވާނެކަން ރައީސް ނަޝީދާއި ރައީސް ސާލިހު ވަނީ އިއުލާންކުރައްވާފައެވެ. އަދި ދެ ބޭފުޅުންވެސް ވަނީ މިހާރު ކެމްޕެއިންގެ މަސައްކަތް ފަށްޓަވާފައެވެ.
Alhugandu @ibusolih dhevana dhaurakah thaaidhu kuran nimmee varah visnaafa.Covid-19 ge kaarisaa ga e manikufaanu gaumu salaamathu ge asseyriyah genesdhevvee biya bodu gonjehun thakaa kerigen kurimathi lavvaa visnun therikamaa hikumaiy therikamaa eku sarukaaru manage kuravvaafa
— Ibrahim Shareef (@AdduShareef) December 19, 2022
އެމްޑީޕީގެ ޕްރައިމަރީ އަންނަމަހު ބާއްވަން ނިންމާފައިވާއިރު ޕްރައިމަރީގައި ވާދަކުރައްވާނެކަން ރައީސް ނަޝީދާއި ރައީސް ސާލިހު ވަނީ އިއުލާންކުރައްވާފައެވެ. އަދި ދެ ބޭފުޅުންވެސް ވަނީ މިހާރު ކެމްޕެއިންގެ މަސައްކަތް ފަށްޓަވާފައެވެ.
ކިޔުންތެރިންގެ ހިޔާލު