ދެމެހެއްޓެނިވި މަސްވެރިކަމަކަށް ޒަމާނީ ތަޢުލީމާއި ތަމްރީނު ހޯދަންޖެހޭކަމަށް މިނިސްްޓަރ އޮފް ހަޔަރ އެޑިއުކޭޝަން ޑރ. އިބްރާހިމް ހަސަން ވިދާޅުވެއްޖެއެވެ.

މިނިސްްޓަރ އޮފް ހަޔަރ އެޑިއުކޭޝަން މިހެން ވިދާޅުވީ މިއަދު ފާހަގަކުރަމުންދާ މަސްވެރިންގެ ދުވަހާއި ގުޅުވައިގެން ކުރެއްވި ޓްވީޓެއްގައެވެ.

ޑރ. ހަސަން ކުރެއްވި ޓްވީޓުގައި ވިދާޅުވީ މުރަގަގަސްދޮށު މާލިމީއަކަށްވުމުގެ ބަދަލުގައި މަސްވެރިކަމުގެ ޒަމާނީ ތަޢުލީމާއި ތަމްރީނު ހޯދައިގެން މެނުވީ ދެމެހެއްޓެނިވި މަސްވެރިކަމެއް މިއަދަކު ނުކުރެވޭނެކަމަށެވެ. އަދި އެމަގުން ކުރިއަށް ގޮސްގެން ނޫނީ ރާއްޖޭގެ މަސްކަނޑުތަކެއް ހިމާޔަތެއްވެސް ނުކުރެވޭނެކަމަށް މިނިސްޓަރ ވިދާޅުވިއެވެ.

މުރަގަގަސްދޮށު މާލިމީއަކަށް ވުމުގެ ބަދަލުގައި މަސްވެރިކަމުގެ ޒަމާނީ ތަޢުލީމާއި ތަމްރީނު ހޯދައިގެން މެނުވީ ދެމެހެއްޓެނިވި މަސްވެރިކަމެއް މިއަދަކު ނުކުރެވޭނެ! އަދި ރާއްޖޭގެ މަސްކަނޑުތަކެއް ހިމާޔަތެއްވެސް ނުކުރެވޭނެ!
މަސްވެރިންގެ ދުވަހުގެ ތަހުނިޔާ އެންމެ ބޭފުޅުންނަށް އަރިސްކުރަން!

— Ibrahim Hassan, PhD (@DrChubby) December 10, 2022

ރާއްޖޭގައި މަސްވެރިންގެ ދުވަހުގެ ގޮތުގެ ފާހަގަކުރަމުންދަނީ ޑިސެމްބަރުމަހުގެ 10 ވަނަ ދުވަހެވެ.

މިއަހަރުގެ މަސްވެރިންގެ ދުވަސް ފާހަގަކުރުމުގެ ހަރަކާތްތައް ރަސްމީކޮށް ކުރިއަށްދަނީ ގދ. ފަރެސްމާތޮޑާގައެވެ.