‏މި މަހު 10 ވަނަ ދުވަހުގެ ރޭ މާލޭގައި ހިނގި އަލިފާނުގެ ހާދިސާގައި ރޯވި މ.ނިރުފެހިގެ ސާފުކޮށް ނިންމާލައިފިއެވެ.

މި މަސައްކަތް ކޮށްފައިވަނީ ހައުސިންގ މިނިސްޓްރީގެ ޕަބްލިކް ވޯކްސް ސަރވިސަސް ޑިޕާޓްމަންޓުންނެވެ.

އަލިފާނުގެ ޙާދިސާ ހިނގި މ. ނިރުފެހިގޭގެ އިމާރާތް ތަޅާލާ، އެތަން ސާފުކުރުމުގެ މަސައްކަތް ހައުސިން މިނިސްޓްރީން ފެށީ މިމަހުގެ 11 ވަނަ ދުވަހުއެވެ.

އަލިފާނުގެ ހާދިސާގައި ނިރުފެހިގޭގެެ ބޮޑު ބައެއް ވަނީ އަނދާ އަޅިއަށްވެފައެވެ. ފެންނަންހުރީ، ގޭގެ ކޮންކްރީޓް ތަނބުތަކާ ޝީޓްތައް އެކަންޏެވެ. ގޭގެ އެތެރެ ހަދާފައިވަނީ ލަކުޑިންނެވެ. އެހެންކަމުން އެ ގެ ވަނީ ބޭނުން ނުކުރެވޭވަރަށް އަނދާފައެވެ.

މި މަހު 10 ވަނަ ދުވަހުގެ ރޭ މާލޭގައި ހިނގި އަލިފާނުގެ ހާދިސާގައި ރޯވި މ. ނިރުފެހިގެ ސާފުކޮށް ނިންމާލައިފި. މި މަސައްކަތް ކޮށްފައިވަނީ މި މނިސްޓްރީގެ ޕަބްލިކް ވޯކްސް ސަރވިސަސް ޑިޕާޓްމަންޓުން. pic.twitter.com/lXQrapy0X8

— Min.of National Planning, Housing & Infrastructure (@MoNPHImv) November 21, 2022

މިނިސްޓްރީން އެ ގެ ތަލާލުމުގެ މަސައްކަތް ކުރީ، އަލިފާނުގެ ޙާދިސާއެއް ހިނގާފައިވާ ތަނަކަށްވުމާއެކު އެ އިމާތާރުގެ ސަބަބުން އިތުރު ގެއްލުންތަކެއް ވެދާނެތީއެވެ.

ނިރުފެހިގޭ އަލިފާނުގެ ޙާދިސާގައި 10 މީހުން ވަނީ ނިޔާވެފައެވެ. މިހާދިސާގައި މުޅިން ވެސް ނިޔާވީ ރާއްޖޭގައި އުޅޭ ބިދޭސީ މަސައްކަތްތެރީންނެވެ.

އަލިފާނުގެ ޙާދިސާގައި، ނިރުފެހިގެއާ އިންވެގެން ހުރި ގޭގޭގެ އިމާރާތްތަކުގެ ސްޓްރަކްޗަރަށް ގެންލުން ލިބުނުތޯވެސް، ޕްލޭނިން މިނިސްޓްރީން ބަލާނެއެވެ.