އެމެރިކަން މިއުޒިކް އެވާރޑުގައި އެންމެ ގިނަ އެވަރޑް ހާސިލުކޮށްފައިވާ ޓޭލާ ސްވިފްޓު، މިއަހަރުވެސް އެތައް އެވާރޑެއް ހާސިލުކޮށްފިއެވެ.

އެމެރިކާގެ ލަވަަކިޔުންތެރިޔާ ޓޭލަރ ސްވިޓް ވަނީ މިއަހަރު ބޭއްވި އެމެރިކަން މިއުޒިކް އެވަރޑުގައި އެކި ކެޓެގަރީތަކުން 6 އެވަރޑަކަށް ނޮމިނޭޓްވެފައެވެ. އަދި މި ހަ އެވަމާރޑްވެސް އޭނާ ވަނީ ހާސިލްކޮށްފައެވެ.

މިއާއެކު އެމެރިކަން މިއުޒިކް އެވަރޑުގެ ތާރީހުގައިވެސް މިހާތަނަށް އެންމެ ގިނަ އެވަރޑް ހާސިލުކޮށްފައިވާ ޓޭލާ ސްވިފްޓަށް ޖުމްލަ 40 އެވަރޑް ވަނީ ލިބިފައެވެ.

50 ވަނަ އެމެރިކަން މިއުޒިކް އެވޯޑްސް ރަސްމިއްޔާތު ބާއްވާފައިވަނީ ރާއްޖެގަޑިން މިއަދު ހެނދުނު، އެމެރިކާގެ ލޮސް އެންޖެލިސްގެ މައިކްރޮސޮފްޓް ތިއޭޓަރުގައެވެ. މި އިވެންޓުގައި އަހަރުގެ އެންމެ މޮޅު މިއުޒިކާއި ޕާފޯމަންސްތައް ފާހަގަކޮށްފައި ވަނީ ފޭނުންގެ ވޯޓުންނެވެ.