މަޝްހޫރު ދީނީ އިލްމުވެރިޔާ މުފްތީ މެންކް މިމަހު ރާއްޖެއަށް ކުރައްވާ ދަތުރުފުޅުގައި އިސްލާމީ މަރުކަޒުގައި އިމާމުވެ ހުކުރު ނަމާދު ކުރައްވާނެކަމަށް މިނިސްްޓަރ އޮފް އިސްލާމިކް އެފެއާޒު ޑރ. އަހްމަދު ޒާހިރު ވިދާޅުވެއްޖެއެވެ.

މުފްތީ މެންކް ރާއްޖެ ވަޑައިގެންނެވުމަށް ހަމަޖެހިފައިވަނީ މިމަހުގެ 28 ވާ ހުކުރު ދުވަހުއެވެ.

އިސްލާމިކް މިނިސްްޓަރ ޑރ. ޒާހިރު ވިދާޅުވީ 28 ވާ ހުކުރު ދުވަހު އިސްލާމީ މަރުކަޒުގައި އިމާމުވެ ހުކުރު ނަމާދު ކުރައްވާނީ ދީނީ އިލްމުވެރިޔާ މުފްތީ މެންކްކަމަށެވެ.

Iraadha kurehvihyaa 28 October 2022 vaa Hukuru dhuvahu, Islaamee Marukazugai imaamuve hukuru kuravvaanee Mufti Menk.
Khuthuba ge mauloo akee,
"Revive your connection with Allah."#MuftiMenkMV2022 pic.twitter.com/8YKmCPLUJQ

— Ahmed Zahir Ali (@AhmedZahirAli) October 18, 2022

މުފްތީ މެންކްގެ ފުރަތަމަ ދަރުސް އޮންނާނީ މިމަހުގެ 28 ވަނަ ދުވަހު މާލޭ ކާނިވާ ސަރަޙައްދުގައެވެ. އަދި 29 ވަނަ ދުވަހު ފުވައްމުލައް ސިޓީގައި އަދި 30 ވަނަ ދުވަހު އައްޑޫ ސިޓީގައި ދަރުހެއް ބޭއްވުމަށް ވަނީ ހަމަޖެހިފައެވެ. މީގެއިތުރަށް މިމަހުގެ 31 ވަނަ ދުވަހު ހުޅުމާލޭގައި ދަރުސް ބޭއްވުމަށްވެސް މިހާރު ވަނީ ހަމަޖެހިފައެވެ.

މުފްތީ މެންކް އެންމެފަހުން ރާއްޖެ ވަޑައިގަތީ 2020 ވަނަ އަހަރުއެވެ.