ރާއްޖެއިން އުމްރާއަށް މީޙުން ގެންދިއުމަށް ޝައުޤުވެރިވާ ފަރާތްތަކުން އެކަމަށް ކުރިމަތިލުމަށް ހުޅުވާލައިފިއެވެ.

އިސްލާމިކް މިނިސްޓްރީން ބުނީ ރާއްޖެއިން އުމްރާއަށް މީޙުން ގެންދިއުމަށް ޝައުޤުވެރިވާ ފަރާތްތަކުން ޕްރޮޕޯޒަލް ހުށަހެޅުމުގެ ފުރުޞަތު 16 އޮގަސްޓް 2022 ވާ އަންގާރަދުވަހުގެ ނިޔަލަށް ހުޅުވާލާފައިވާކަމަށެވެ.

އިސްލާމިކް މިނިސްޓްރީން ބުނީ މިކަމަށް ޕްރޮޕޯޒަލް ހުށަހެޅޭނީ ދިވެހިރާއްޖެއިން އުމްރާއަށް މީހުން ގެންދިއުމާބެހޭ އުސޫލުގައި ބުނެފައިވާ ޝަރުތު ފުރިހަމަވަވާ ކުންފުނިތަކަށްކަމަށެވެ.

ދިވެހިރާއްޖެއިން ޢުމްރާއަށް މީހުން ގެންދިއުމަށް ޝައުޤުވެރިވާ ފަރާތްތަކުން ޕްރޮޕޯޒަލް ހުށަހެޅުމާބެހޭ pic.twitter.com/9IBjICJpTy

— Ministry of Islamic Affairs (@MVIaffairs) August 3, 2022

އުމްރާއަށް މީޙުން ގެންދިއުމުގެ ހުއްދައަށް އެދި ހުށަހަޅަންޖެހޭ ޕްރޮޕޯޒަލް ފޮތް މިއަދުން ފެށިގެން މިނިސްޓްރީގެ ވެބްސައިޓުން ލިބެން ހުންނާނެކަމަށްވެސް މިނިސްޓްރީން ބުންޏެވެ.

ޕްރޮޕޯޒަލް ބަލައިގަތުމަށް ހަމަޖެހިފައިވަނީ 9 އޮގަސްޓްވާ އަންގާރަދުވަހުން ފެށިގެން 16 އޮގަސްޓްވާ އަންގާރަދުވަހުގެ ނިޔަލަށް ބަންދު ނޫން ކޮންމެ ދުވަހެއްގެ ހެނދުނު 9:00 އިން 11:00 އަށް މިނިސްޓްރީގެ ކައުންޓަރުންނެވެ.