ރޭ ދަންވަރު އަދި މިއަދު ހެނދުނު މާލޭގައި މާރާމާރީތަކެއް ހިންގައިފިއެވެ.

ފުލުުހުން ވަނީ ރެއާއި މިއަދު މާލޭގައި ދެ މާރާމާރީއެއް ހިނގިކަން ކަށަވަރުކޮށްދީފައެވެ. ނަމަވެސް މiއިން އެއްވެސް މާރާމާރީއެއްގައި މީހަކަށް އަނިޔާވެފައިނުވާކަމަށް ފުލުހުން ބުނެއެވެ.

ރޭ މާރާމާރީ ހިންގާފައިވަނީ މެންދަމުން އަލިވެ 3:36 ހާއިރުއެވެ. އަދި ދެވަނަ މާރާމާރީ ހިންގާފައިވަނީ މިއަދުގެ ހެނދުނުގެ ވަގުތެއްގައި ބޮޑުތަކުރުފާނު މަގުގައެވެ. ހެނދުނު ހިނގި މާރާމާރީގައި ބައެއް ޓެކްސީތަކަށް ގެއްލުން ލިބިފައިވާކަމުގެ މައުލޫމާތު ވަނީ ލިބިފައެވެ.

ރެއާއި މިއަދު ހިނގި މާރާމާރީތަކާއި ގުޅިގެން މިހާތަނަށް އެއްވެސް މީހަކު ހައްޔަރުނުކުރާކަމަށް ފުލުހުން ބުންޏެވެ.

މިދިޔަ ކުޑަ އީދުގައިވެސް މާލޭގައި ވަނީ މާރާމާރީތަކެއް ހިންގާފައެވެ. އެކަމުގެ ތުހުމަތުގައި ފުލުހުން ހޯދަމުންދިޔަ މީހުން ހައްޔަރުކޮށްފައިވަނީވެސް މިދިޔަމަހުއެވެ.

އާއްމު ގޮތެއްގައި އީދު ބަންދުގެ ތެރޭގައި މާރާމާރީތައް އިތުރުވާކަން ފާހަގަކޮށްލެވެއެވެ.