މޯލްޑިވްސް ޕޯޓްސް ލިމިޓެޑް، އެމްޕީއެލްގެ 2021 ވަނަ އަހަރުގެ އަހަރީ އާންމު ޖަލްސާ ބާއްވައި، މުހިއްމު ރިޕޯޓްތައް ފާސްކޮށްފިއެވެ.

އެމްޕީއެލްއަކީ ސަރުކާރުގެ 100 އިންސައްތަ ހިއްސާ އޮންނަ ކުންފުންޏެކެވެ. އެހެންކަމުން އާއްމު ހިއްސާދާރުން އެމްޕީއެލްގައި ނުތިބޭނެއެވެ. އަދި އަހަރީ ޖަލްސާގައި ހިއްސާ ބެހުމެއްވެސް ނޯންނާނެއެވެ.

މީރުމާ އިވެންޓް ހޯލްގައި ބޭއްވި އެމްޕީއެލްގެ އަހަރީ އާއްމު ޖަލްސާގައި އެމްޕީއެލްގެ ބޯޑު ޑިރެކްޓަރުންނާއި ސަރުކާރުގެ ފަރާތުން މިނިސްޓްރީ އޮފް ފިނޭންސްގެ ސްޓޭޓް މިނިސްޓަރ އަނަސް އަބްދުއްސައްތާރު އަދި އޮޑިޓަރ ޖެނެރަލް އޮފީހުގެ ފަރާތުން އޮޑިޓަރ ޖެނެރަލް އޮފީހުގެ ކޮންޓްރެކްޓް އޮޑިޓަރ ކޭޕީއެމްޖީ ބައިވެރިވިއެވެ.

The MPL's Board of Directors kicked off the Annual General Meeting 2021. We highlighted the overall business performance, organizational highlights and the achievements of port workers and members of the Port Community.#MPLAGM2021 pic.twitter.com/0DdAfyt9Aj

— Maldives Ports Limited (@Portmv) July 6, 2022

އެމްޕީއެލްގެ އަހަރީ އާއްމު ޖަލްސާގައި ވަނީ މިދިޔަ އަހަރުގެ އަހަރީ ރިޕޯޓާއި އޮޑިޓް ރިޕޯޓާއި، އޮޑިޓްކޮށްފައިވާ މާލީ ހިސާބުތައް ފާސްކޮށްފައެވެ. ޑިވިޑެންޑް އަދި މުވައްޒަފުންގެ ބޯނަސްވެސް ވަނީ ފާސްކޮށްފައެވެ.

އަހަރީ އާއްމު ޖަލްސާގައި ވާހަކަދައްކަވަމުން އެމްޕީއެލްގެ ސީއީއޯ ޝާހިދު އަލީގެ ވާހަކައިގައި ވަނީ 2021 ވަނަ އަހަރު އެ ކުންފުނިން ކުރި މައިގަނޑު މަސައްކަތްތައް ފާހަގަކުރައްވާފައެވެ. އަދި ކުންުފުނީގެ މަސައްކަތްތައް ފުޅާކުރުމަށް ކުރިއަށްގެންދާ ޕްލޭންތަކުގެ މައުލޫމާތުވެސް ޝާހިދު ހިއްސާކުރެއްވިއެވެ.