ރާއްޖެ އަނދަވަޅަކަށް ވައްޓާލައިގެން ވެސް އިދިކޮޅު ލީޑަރު އަދި ކުރީގެ ރައީސް، އަބުދުﷲ ޔާމިން ބޭނުންފުޅުވަނީ ވެރިކަން ހޯދަން ކަމަށް އެމްޑީޕީގެ ރައީސް މުހައްމަދު ނަޝީދު މިރޭ ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ ޅ. ކުރެންދޫ ކައުންސިލް ރައީސް ހޮވުމަށް ބާއްވާ ބައި އިލެކްޝަންގައި އެމްޑީޕީގެ ކެންޑިޑޭޓް އަލީ ނަސީމްގެ ކެމްޕޭން ފެށުމަށް މިރޭ އެރަށުގައި ބޭއްވި ޖަލްސާގައި ވާހަަކަފުޅު ދައްކަވަމުންނެެވެ.
މިޖަލްސާގައި ވާހަަކަފުޅު ދައްކަވަމުން ރައީސް، މުހައްމަދު ނަޝީދު ވިދާޅުވީ، އިންޑިޔާ ސިފައިން ބޭލުމަށް ގޮވާލައި ރައީސް ޔާމިން ހިންގަވާ ހަރަކާތަކީ ރާއްޖޭގެ މިނިވަންކަމާއި އިސްތިގުލާލަށް ގެއްލުން ހުރި ހަރަކާތެއް ކަމަށެވެ. އެވަރުގެ ގެއްލުން ހުރި ހަރަކާތެެއް މީގެކުރިން އެއްވެސް ރައީސަކު ހިންގަވާފައިނުވާ ކަމަށް ރައީސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވީ ރައީސް ޔާމިން ބޭނުންފުޅަކީ ރާއްޖެ އާއި ދޭދޭ ގައުމުތަކާއި މެދު މައްސަލަ އުފައްދައި ނަފުރަތު އުފެއްދުން ކަމަށެވެ. އެހަރަކާތާއި ގުޅިގެން އެގައުމުތަކުގެ ވެރިން ވެސް ދިވެހި ރާއްޖެއާއި ހިތްބުރަކަން އޮތް ކަމަށާއި އެގައުމުތަކުން ރުހުމުގެ ލޮލުން ނުބަލާނަމަ އެއިން ލިބޭނެ ގެއްލުމަކީ ރާއްޖޭގެ ތާރިޚު ދަންނަ މީހުންނަށް އޮޅޭނެ ހަގީގަތެއް ނޫން ކަމަށް ރައީސް ނަޝީދު ވިދާޅުވިއެވެެ.
"ރާއްޖޭ 2000 އަހަރުގެ މިނިވަންކަން އަދި 2000 އަހަރުގެ ރަށްވެހިކަން ހޯދާފައި މިއޮތީ ގުޅިގެން އުޅެގެން، ޚާއްސަކޮށް އަވައްޓެރިންނާއި ގުޅިގެން އުޅެގެން، ރައީސް ޔާމިނަށް އެކަން ކަނޑައެޅިގެން އެނގިވަޑައިގަންނަވައި އެބޭފުޅާ އެކުރައްވާ ކަމަކީ ދިވެހި ރާއްޖެ އަނދަވަޅަކަށް ގެންދިޔުން، އެބޭފުޅާ ވެެރިކަމުގެ ބޭނުމުގައި ވެެރިކަމުގެ އުއްމީދުގައި." ގައުމަށް ގައްދާރުވި ހަސަން ތާޖުއްދީނުގެ ދެ ދަރިން ވެރިކަން ހޯދުމަށް ކުރި މަސައްކަތާއި ރައީސް ޔާމިންގެ މަސައްކަތާއި އެއްވަރު ކުރައްވަމުން ރައީސް ނަޝީދު ވިދާޅުވިއެވެ.
މީގެ އިތުރުން ރައީސް ނަޝީދު ވިދާޅުވީ، އިދިކޮޅުން އިންތިޚާބުތަކުގައި ވާދަކުރުމަކީ އެމަނިކުފާނު އަޖައިބުވާ ކަމެއް ކަމަަށެވެ. ކުރެންދޫ ތަރައްގީއަށް އިދިކޮޅު ޕީޕިއެމަށް ކަމެއް ކޮށްދެވޭނީ އެބޭފުޅުން އެރަށް އޮތުމަށް ވިސްނާ ވިސްނުމެެއް ވިސްނައިގެން ކަމަށް ރައީސް ނަޝީދު ވިދާޅުވިއެވެ.
އިދިކޮޅުގެ ތަރައްގީ އަކީ މުޅި ރާއްޖޭގެ ރައްޔިތުން މާލެ ކައިރިއަށް ގެނައުން ކަަމަށް އެމަނިކުފާނު ވިދާޅުވިއެވެ. އިދިކޮޅުން ކުރެންދޫ އުވާލަން އުޅުނު ނަމަވެސް އެމްޑީޕީން ޕާދިއްޕޮޅުގެ ވަރަށް ބޮޑު ތަސައްވަރެއް އެބައޮތް ކަމަށް ރައީސް ނަޝީދު ވިދާޅުވިއެވެ.
"އެއީ ނައިފަރާއި ހިންނަވާރާއި ގުޅުން، ނައިފަރުން މަޑިވަރުން ފެލިވަރުން ނައިފަރުން ހިންނަވަރަށް، އެ ދެމެދުގައި މި އަތޮޅުގައި 25000 އަށް ވުރެ ގިނަ މީހުންނަށް ދިރިއުޅެވޭ ގޮތް ވުން. މިއަތޮޅުގައި އަދި ރާއްޖޭގެ ކޮންމެ ރަށެއްގައި ވެސް ޚާއްސަކޮށް ކުރެންދޫ ރައްޔިތުންނަށް ނައިފަރުންނާއި ހިންނަވަރުން އަދި ފެލިވަރުންވިޔަސް ގޯތި ލިބެންޖެހޭނެ." އެމްޑީޕީގެ ތަރައްގީގެ ސިޔާސަތު ހާމަކުރައްވަމުން ރައީސް ނަޝީދު ވިދާޅުވިއެވެ.
އެމްޑީޕީގެ ފަރާތުން ކުރެންދޫ ކައުންސިލަށް އަލީ ނަަސީމް ވާދަކުރައްވާއިރު ޕީޕިއެމްގެ ފަރާތުން އެ ގޮނޑިއަށް ވާދަކުރައްވަނީ އިސްމާއީލް މަދީހެވެ.
މި ބައި އިލެކްޝަން ބާއްވަން ހަމަޖެހިފައި ވަނީ މި މަހުގެ 26 ވަނަ ދުވަހު އެވެ.
މިޖަލްސާގައި ވާހަަކަފުޅު ދައްކަވަމުން ރައީސް، މުހައްމަދު ނަޝީދު ވިދާޅުވީ، އިންޑިޔާ ސިފައިން ބޭލުމަށް ގޮވާލައި ރައީސް ޔާމިން ހިންގަވާ ހަރަކާތަކީ ރާއްޖޭގެ މިނިވަންކަމާއި އިސްތިގުލާލަށް ގެއްލުން ހުރި ހަރަކާތެއް ކަމަށެވެ. އެވަރުގެ ގެއްލުން ހުރި ހަރަކާތެެއް މީގެކުރިން އެއްވެސް ރައީސަކު ހިންގަވާފައިނުވާ ކަމަށް ރައީސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވީ ރައީސް ޔާމިން ބޭނުންފުޅަކީ ރާއްޖެ އާއި ދޭދޭ ގައުމުތަކާއި މެދު މައްސަލަ އުފައްދައި ނަފުރަތު އުފެއްދުން ކަމަށެވެ. އެހަރަކާތާއި ގުޅިގެން އެގައުމުތަކުގެ ވެރިން ވެސް ދިވެހި ރާއްޖެއާއި ހިތްބުރަކަން އޮތް ކަމަށާއި އެގައުމުތަކުން ރުހުމުގެ ލޮލުން ނުބަލާނަމަ އެއިން ލިބޭނެ ގެއްލުމަކީ ރާއްޖޭގެ ތާރިޚު ދަންނަ މީހުންނަށް އޮޅޭނެ ހަގީގަތެއް ނޫން ކަމަށް ރައީސް ނަޝީދު ވިދާޅުވިއެވެެ.
ކުރެންދޫ ކައުންސިލް ބައި އިލެކްޝަންގެ މިޕާޓީގެ ކެންޑިޑޭޓް ޢަލީ ނަސީމްގެ ކެމްޕެއިން ޖަލްސާ،ކުރެންދޫ ދެކުނުއަވަށު މައިޒާނުގަ ކުރިއަށްދަނީ#RahvehiFathis pic.twitter.com/Th8B2m7Ppf
— MDP Secretariat (@MDPSecretariat) March 18, 2022
މީގެ އިތުރުން ރައީސް ނަޝީދު ވިދާޅުވީ، އިދިކޮޅުން އިންތިޚާބުތަކުގައި ވާދަކުރުމަކީ އެމަނިކުފާނު އަޖައިބުވާ ކަމެއް ކަމަަށެވެ. ކުރެންދޫ ތަރައްގީއަށް އިދިކޮޅު ޕީޕިއެމަށް ކަމެއް ކޮށްދެވޭނީ އެބޭފުޅުން އެރަށް އޮތުމަށް ވިސްނާ ވިސްނުމެެއް ވިސްނައިގެން ކަމަށް ރައީސް ނަޝީދު ވިދާޅުވިއެވެ.
"އެއީ ނައިފަރާއި ހިންނަވާރާއި ގުޅުން، ނައިފަރުން މަޑިވަރުން ފެލިވަރުން ނައިފަރުން ހިންނަވަރަށް، އެ ދެމެދުގައި މި އަތޮޅުގައި 25000 އަށް ވުރެ ގިނަ މީހުންނަށް ދިރިއުޅެވޭ ގޮތް ވުން. މިއަތޮޅުގައި އަދި ރާއްޖޭގެ ކޮންމެ ރަށެއްގައި ވެސް ޚާއްސަކޮށް ކުރެންދޫ ރައްޔިތުންނަށް ނައިފަރުންނާއި ހިންނަވަރުން އަދި ފެލިވަރުންވިޔަސް ގޯތި ލިބެންޖެހޭނެ." އެމްޑީޕީގެ ތަރައްގީގެ ސިޔާސަތު ހާމަކުރައްވަމުން ރައީސް ނަޝީދު ވިދާޅުވިއެވެ.
އެމްޑީޕީގެ ފަރާތުން ކުރެންދޫ ކައުންސިލަށް އަލީ ނަަސީމް ވާދަކުރައްވާއިރު ޕީޕިއެމްގެ ފަރާތުން އެ ގޮނޑިއަށް ވާދަކުރައްވަނީ އިސްމާއީލް މަދީހެވެ.
މި ބައި އިލެކްޝަން ބާއްވަން ހަމަޖެހިފައި ވަނީ މި މަހުގެ 26 ވަނަ ދުވަހު އެވެ.
ކިޔުންތެރިންގެ ހިޔާލު