ސްރީލަންކާގައި މާދަމާ ފަށާ "މަހިންދަ ރާޖަޕަކްސަ ޓްރޮފީ" ފުޓްބޯޅަ މުބާރާތުގެ ފެށުމުގެ ރަސްމިއްޔާތު ޝަރަފުވެރި ކޮށްދެއްވުމަށް ރައީސް އިބްރާހީމް މުހައްމަދު ސޯލިހު މާދަމާ ލަންކާއަށް ވަޑައިގަންނަވާނެ ކަމަށް ސަރުކާރުން ހާމަކޮށްފިއެވެ.

މިކަން ހާމަކޮށް ރައީސް އޮފީހުގެ ތަރުޖަމާނު މަބްރޫކް އަޒީޒު ވިދާޅުވީ މާދަމާ ރައީސް ލަންކާއަށް ކުރައްވާ ދަތުރުފުޅަކީ އެ ގައުމުގެ ރައީސް ގޮތަބަޔާ ރާޖަޕަކްސަގެ ދައުވަތަކަށް ކުރައްވާ ދަތުރުފުޅެއް ކަމަށެވެ.

‏

President @ibusolih will be traveling to Srilanka tomorrow, on invitation by President @GotabayaR as Chief Guest of the inaugural session of the Four Nations Football Tournament for the ‘Mahinda Rajapaksa Trophy 2021’

— Mabrook Azeez (@MvSpokesperson) November 7, 2021

ލަންކާގައި ކުޅޭ މި މުބާރާތުގައި ލަންކާގެ އިތުރުން ވާދަކުރަނީ ރާއްޖެއާއި ބަންގްލަދޭޝް އަދި ސީޝެލްސްއެވެ.

8 ނޮވެމްބަރުން ފެށިގެން 17 ނޮވެމްބަރު ގެ ނިޔަލަށް ކުރިއަށްދާ މި މުބާރާތުގެ ހުރިހާ މެޗެއް ވެސް ކުޅޭނީ ކޮޅުނބުގެ ރޭސް ކޯޒް ސްޓޭޑިއަމްގަ އެވެ. މި މުބާރާތުގައި ރާއްޖެ ކުޅޭ ފުރަތަމަ މެޗު ކުޅޭނީ މާދަމާ ރޭ ލަންކާއާ ދެކޮޅަށެވެ.

މި މުބާރާތުގައި ދިވެހި ސަޕޯޓަރުންނަށް ފުރަތަމަ ޓިކްޓް ވިއްކާފައިވަނީ 5.000 ރުޕީސް އަށެވެ. ނަމަވެސް ފަހުން ރައީސްގެ އެދިވަޑައިގަތުމަކަށް ޓިކެޓްގެ އަގު 3،000 ރުޕީސްއަށް ވަނީ ކުޑަކޮށްދީފައެވެ.