ހދ. ކުޅުދުއްފުށިން ފުރައިގެން ށ. ފީވަކަށް ދަތުރުކުރި ދޯންޏެއް، ފީވަކަށް ވަންނަން އުޅުމުގެ ތެރޭގައި ބަންޑުން ޖަހާލައިފިއެވެ.

އެމްއެންޑީއެފުން ބުނީ މި ހާދިސާ ހިނގާފައި ވަނީ މިއަދު ހަވީރު 4:30 ހާއިރުކަމަށާއި، މިހާދިސާގައި އެއްވެސް މީހަކަށް ގެއްލުމެއް ލިބިފައިނުވާ ކަމަށެވެ.

3 މީހުންނާއެކު ދަތުރުކުރި ކުޑަ ދޯނީގައި މުދަލެއް ނެތްކަމަށް މައުލޫމާތު ލިބިފައިވެއެވެ.

ރާއްޖެއަށް މިދުވަސްވަރު މޫސުން ގޯސްވެފައިވާއިރު، ކަނޑުމަތީގެ ނުރައްކާތެރި ހާދިސާތައް ވެސް ދަނީ ހިނގަމުންނެވެ. އެހެންކަމުން ދަތުރުކުރާ ފަރާތްތަކުން ރައްކާތެރިކަމުގެ ފިޔަވަޅު އެޅުމަށް ކަމާބެހޭ ފަރާތްތަކުން ވަނީ އިލްތިމާސް ކޮށްފައެވެ.