ދައުލަތަށް އާމްދަނީ އިތުރުކުރުމަށް އެތެރޭގެ މާކެޓަށް ހާއްސަކޮށް، އިތުރު ޓީ ބިލް ވިއްކަން ފިނޭންސް މިނިސްޓްރީން ހުޅުވާލައިިފިއެވެ.

ޓީބިލް ވިއްކަން ފިނޭންސް މިނިސްޓްރީން މިދިޔަ މަހު ވެސް ހުޅުވާލި އެވެ. ޓީބިލް ގަންނަނީ ކޮމާޝަލް ބޭންކުތަކާއި ސަރުކާރު ހިއްސާވާ ކުންފުނިތަކާއި އިންވެސްޓްމަންޓް ފަންޑުތަކާއި ޕްރައިވެޓް ކުންފުނިތަކުންނެވެ.

މިފަހަރު ފިނޭންސް މިނިސްޓްރީން ވިއްކަން ހުޅުވާލާފައި ވަނީ 28 ދުވަހުގެ ތެރޭގައި އަނބުރާ ދައްކާ ގޮތަށް ހުޅުވާލި 135 މިލިއަން ރުފިޔާގެ ޓީބިލަކާއި 98 ދުވަހުން އަނބުރާ ދައްކާ ގޮތަށް ހުޅުވާލި 170 މިލިއަން ރުފިޔާ ޓީބިލެއްގެ އިތުރުން، 182 ދުވަހުން އަނބުރާ ދައްކާ ގޮތަށް ހުޅުވާލި 55 މިލިއަން ރުފިޔާގެ ޓީބިލެކެވެ. މީގެ އިތުރުން ހިމެނެނީ 364 ދުވަހުން އަނބުރާ ދައްކަން ޖެހޭ 368 މިލިއަން ރުފިޔާގެ ޓީބިލެކެވެ.

ފިނޭންސް މިނިސްޓްރީން ނެރުނު ފިސްކަލް ސްޓްރެޓެގީގައިވާ ގޮތުން އެތެރޭގެ މާކެޓަށް ޓީބިލާއި ބޮންޑު ވިއްކައިގެން މި އަހަރު 6.6 ބިލިއަން ރުފިޔާ އަދި އަންނަ އަހަރު 4.7 ބިލިއަން ރުފިޔާ ހޯދުމަކީ އަމާޒެކެވެ.