ކޮވިޑުން ރައްކާތެރިވުމަށް ފައިޒަރ ކުންފުނިން އުފައްދަމުންދާ އެންޓިވައިރަލް ބޭސް މިއަހަރު ނިމުމުގެ ކުރިން ތައްޔާރުކޮށް ނިމޭނެ ކަމަށް އެކުންފުނިން ހާމަކޮށްފިއެވެ.

ފައިޒަރ އިން ކޮވިޑާ ދެކޮޅަށް އެންޓިވައިރަލް ބޭހެއް ތައްޔާރުކުރަމުންދާކަމަށް އިއުލާންކޮށްފައިވަނީ މިދިޔަ މަހުގެ ފަހުކޮޅުއެވެ. މިބޭސް ވެގެން ދާނީ ކޮވިޑުގެ ހުރިހާ ވޭރިއަންޓަކާ ދެކޮޅަށް މަސައްކަތްކުރާނެ ބޭސް ގުޅައެއްގެ ގޮތުގައި ކަމަށް ފައިޒަރ ކުންފުނިން ބުނެއެވެ.

މިބޭހާއި ބެހޭގޮތުން ވާހަކަ ދައްކަވަމުން ފައިޒަރ ކުންފުނީގެ ސީއީއޯ ވިދާޅުވީ މިބޭހަކީ އަނގައިން ދިރުވާލަން ޖެހޭ ބޭހެއްް ކަމަށެވެ. މިގޮތުން އާދައިގެ އެހެން ވެސް ގުޅަބޭސް ބޭނުންކުރާ ގޮތަށް މިބޭސް ތައްޔާރުކޮށްފައިވަނީ އަނގައަށްލައި ދިރުވާލެވޭ ގޮތަށެވެ. އަދި މިބޭސް ތައްޔާރުކޮށް ނިންމައި، މިއަހަރު ފަހުކޮޅު އާންމުންނަށް ފޯރުކޮށްދެވޭނެކަމަށްވެސް ފައިޒަރ ކުންފުނީގެ ސީއީއޯ އަލްބަރޓް ވަނީ ވިދާޅުވެފައެވެ.

މިގޮތުން ވޮލަންޓިއަރުންގެ އެހީގައި މިބޭހުގެ ތަހުލީލުތައް މިހާރު ކުރެވެމުންދާކަމަށް ފައިޒަރ ކުންފުނިން ވަނީ ފާހަގަކޮށްފައެވެ. އަދި އިންޖެކްޓް ކޮށްގެން ދެވޭނެ އިތުރު އެންޓިވައިރަލެއްގެ ގޮތުން މިބޭސް މަސައްކަތް ކުރާނެ ކަމަށްވެސް އެކުންފުނިން ބުނެފައިވެއެވެ.

ފައިޒަރގެ ތަހުލީލުތައް ކާމިޔާބުވެއްޖެނަމަ، ކޮވިޑު ބަލިން ސަލާމަތްވުމަށް މިއެންޓިވައިރަލް ބޭސް، އިސްރޯލެއް އަދާ ކުރާނެ ކަމަށް ފައިޒަރ ކުންފުނީގެ ސީއީއޯ އަލްބަރޓް ވަނީ ފާހަގަކުރަށްވާފައެވެ.