ޕީއެންސީ ޖަލްސާއެއް
ޕީއެންސީ ޖަލްސާއެއް
ވެރިކަން ކުރާ ޕީޕަލްސް ނެޝަނަލް ކޮންގްރެސް (ޕީއެންސީ) ގެ ސަރުކާރަށް ކާމިޔާބު ތިން އަހަރު ފުރުން ފާހަގަކުރުމުގެ ގޮތުން ބޮޑު ޖަލްސާއެއް ބޭއްވުމަށް އެޕާޓީ އިން ނިންމައިފިއެވެ.

ޕީއެންސީގެ އާއްމުމެންބަރުންނާއި އާންމު ރައްޔިތުންނަށްވެސް ބައިވެރިވެވޭ ގޮތަށް އާންމުކޮށް ހުޅުވާލައިގެން ކުރިއަށްގެންދާ މި ޖަލްސާ އޮންނާނީ އަންނަ އަންގާރަ ދުވަހުގެ ރޭގަނޑު 8:00 ގައި ހުޅުމާލޭ ސެންޓްރަލް ޕާކުގައެވެ.

ރައީސުލްޖުމްހޫރިއްޔާ ޑރ. މުޢިއްޒު ބައިވެރިވެވަޑައިގަންނަވާ މި ޖަލްސާގައި، ފާއިތުވި ތިން އަހަރު ދުވަހުގެ ތެރޭގައި ސަރުކާރުން ހޯދާފައިވާ މުހިންމު ކާމިޔާބީތަކާ ގުޅޭ ޚާއްޞަ ޕްރެޒެންޓޭޝަނެއް ހުށަހެޅުމުގެ އިތުރުން، އުފާފާޅުކުރުމުގެ އެހެނިހެން ގިނަ ޙަރަކާތްތަކެއްވެސް ކުރިއަށްދާނެއެވެ.

ރައީސް ޑރ. މުޢިއްޒު ދިވެހިރާއްޖޭގެ ރައީސުލްޖުމްހޫރިއްޔާކަމުގެ ހުވާ ކުރައްވާފައިވަނީ 17 ނޮވެމްބަރު 2023 ގައެވެ.



ކިޔުންތެރިންގެ ހިޔާލު