މާލެއަށް މިރޭ ބޯކޮށް ވާރޭވެހި، ވާރޭގެ މިންވަރު 15 މިލިމީޓަރަށް ވުރެ އިތުރުވާނެ ކަމަށް ލަފާކުރެވޭތީ، މާލޭގެ ބައެއް ސަރަޙައްދުތަކުގައި ފެންބޮޑުވެދާނެ ކަމުގެ އިންޒާރު ކުރީގެ ރައީސް މުޙައްމަދު ނަޝީދު ދެއްވައިފިއެވެ.
ސޯޝަލް މީޑިއާ ޕްލެޓްފޯމް 'އެކްސް' ގައި ކުރެއްވި ޕޯސްޓެއްގައި އެމަނިކުފާނު ވަނީ، މޫސުން ގޯސްވެ ފެންބޮޑުވުމުގެ ފުރުޞަތު އޮތުމުން، އެކަމަށް ކުރިއާލައި ސަމާލުވެ ރައްކާތެރިކަމުގެ ފިޔަވަޅުތައް އެޅުމަށް އެންމެހައި ރައްޔިތުންނަށް އިލްތިމާސްކުރައްވާފައެވެ.
މީގެއިތުރުން، މަގުތަކުގައި ފެންބޮޑުވުމުގެ ސަބަބުން ޢާންމު ދަތުރުފަތުރަށާއި ދިރިއުޅުމަށް ދިމާވެދާނެ ދަތިތަކުން ރައްކާތެރިވުމަށްޓަކައި، ދުރާލާ ތައްޔާރުވެ ތިބުމުގެ މުހިންމުކަންވެސް އެމަނިކުފާނު ފާހަގަކުރެއްވިއެވެ.
މި ދުވަސްވަރަކީ ރާއްޖޭގެ އެކި ކަންކޮޅުތަކަށް މޫސުން ވަރަށް ބޮޑަށް ގޯސްވެ، ވިއްސާރަކުރަމުންދާ ދުވަސްވަރެކެވެ.
The rain forecast for tonight is over 15 mm, which could flood parts of Malé. We must be prepared.
— Mohamed Nasheed (@MohamedNasheed) October 21, 2026
މި ދުވަސްވަރަކީ ރާއްޖޭގެ އެކި ކަންކޮޅުތަކަށް މޫސުން ވަރަށް ބޮޑަށް ގޯސްވެ، ވިއްސާރަކުރަމުންދާ ދުވަސްވަރެކެވެ.
ކިޔުންތެރިންގެ ހިޔާލު