ސޯމާލިއާގެ އެއްވެސް ސަރަހައްދެއްގައި އިސްރާއީލުގެ އަސްކަރީ ނުވަތަ ސިޔާސީ ހަރަކާތްތަކެއް ހިންގުމަށް ފުރުސަތު ނުދެއްވާނެ ކަމަށާއި، މެދުއިރުމަތީގައި އުފެދިފައިވާ ހަމަނުޖެހުންތަކުގެ ތެރެއަށް ސޯމާލިއާ ދަމައިގަތުމަށް ކުރެވޭ އެއްވެސް މަސައްކަތެއް ކާމިޔާބުނުވާނެ ކަމަށް އެ ގައުމުގެ ރައީސް ހަސަން ޝައިހް މަހްމޫދު ވިދާޅުވެއްޖެއެވެ.
އަލްޖަޒީރާއަށް ދެއްވި ހާއްސަ އިންޓަވިއުއެއްގައި ރައީސް މަހްމޫދު ތުހުމަތު ކުރެއްވި ގޮތުގައި، އިސްރާއީލުން ރާވަމުން ދަނީ ސޯމާލިއާއިން ވަކިވެގަންނަން އުޅޭ ސޯމާލިލޭންޑްގެ ބަރްބަރާ ބަނދަރުގައި ކަނޑުގެ އަސްކަރީ މަރުކަޒެއް ގާއިމުކޮށް، އެ ސިޓީގެ އެއާޕޯޓް އަސްކަރީ ބޭނުންތަކަށް ބޭނުންކުރުމަށެވެ.
މިއީ "ގްރޭޓާ އިސްރާއީލް" ބޮޑު މަޝްރޫއުގެ ދަށުން ގަލްފުގެ ގައުމުތަކަށާއި އީރާނާ އިތުރަށް ގާތްވުމުގެ މަގުސަދުގައި އިސްރާއީލުން ހިންގާ ނުރައްކާތެރި ރޭވުމެއް ކަމަށް ރައީސް ފާހަގަކުރެއްވިއެވެ.
އިސްރާއީލަކީ ބައިނަލްއަގުވާމީ ގާނޫނުތަކަށް ބޯނުއަޅާ، ސަރަހައްދީ ހަމަޖެހުން ނަގާލާ ބާރެއްގެ ގޮތުގައި ސިފަކުރައްވަމުން ރައީސް ވިދާޅުވީ، ސޯމާލިލޭންޑް ވަކި ދައުލަތެއްގެ ގޮތުގައި އިސްރާއީލުން ބަލައިގަތް ނަމަވެސް، ދުނިޔޭގެ އެހެން އެއްވެސް ގައުމަކުން އެ ސަރަހައްދު ބަލައިގެންފައި ނުވާ ކަމަށެވެ.
އަދި ސޯމާލިލޭންޑްގެ އާންމު ރައްޔިތުން ވެސް އިސްރާއީލުގެ އެއްވެސް ހަރަކާތަކަށް ތާއީދުނުކުރާ ކަން ފާހަގަކުރައްވައި، އިސްރާއީލުގެ މި އަމަލުތަކުން ކުރިމަތިވާ ކޮންމެ ގޮންޖެހުމަކުން ސޯމާލިއާއިން އަރައިގަންނާނެ ކަމަށް ވިދާޅުވިއެވެ.
މީގެއިތުރުން، އިސްރާއީލުގެ ބޯޑަރުތައް ފުރާތު ކޯރާ ހަމައަށް ފުޅާކުރުމުގެ "ގްރޭޓާ އިސްރާއީލް" ތަސައްވުރަށް ބޮޑުވަޒީރު ބެންޖަމިން ނަތަންޔާހޫ ތާއީދުކުރެއްވުމާ ގުޅިގެން އަރަބި ގައުމުތަކުގެ ބޮޑު ނުރުހުމެއް އަމާޒުވެފައިވާކަންވެސް ރައީސް ހަނދާންކޮށްދެއްވިއެވެ.
އެ ގައުމުގެ އެންމެ ބޮޑު އަސްކަރީ ބައިވެރިޔާއަކީ އެމެރިކާކަން ފާހަގަކުރައްވަމުން ރައީސް މަހްމޫދު ވިދާޅުވީ، ޓެރަރިސްޓް ޖަމާއަތް އަލްޝަބާބުގެ ބާރު ސޯމާލިއާގެ މައި ސިޓީތަކުން މިހާރު ކަނޑުވާލެވިފައިވާ ކަމަށާއި، އަލުން ގައުމުގެ ކޮންޓްރޯލް ނެގުމުގެ އެއްވެސް ފުރުސަތެއް އެ ފަރާތްތަކަށް ނުލިބޭނެ ކަމަށެވެ.
އަދި އަވަށްޓެރި އިތިއޯޕިއާއާއެކު އޮތް ގުޅުން މިހާރު ރަނގަޅުވަމުންދާކަން ފާހަގަކުރައްވައި، ކަނޑަށް މަގުނުލިބޭ އިތިއޯޕިއާއަށް އިގްތިސާދީ މަންފާއަށްޓަކައި ސޯމާލިއާގެ ބަނދަރުތައް ބޭނުންކުރެވޭނެ އިންތިޒާމު ހަމަޖައްސައިދިނުމަށް މޮގަދިޝޫއިން ދެކޮޅު ނުހަދާނެ ކަމަށް ވިދާޅުވިއެވެ.
މީގެއިތުރުން، ޔަމަނުގެ ހޫތީންނަކީ ބާބުލް މަންދަބް ކަނޑުއޮޅީގެ ސަލާމަތްތެރިކަން ނަގާލާ ބައެއްގެ ގޮތުގައި ސިފަކުރެއްވި މި އިންޓަވިއު، ކުރިއަށް އޮތް އާދީއްތަ ދުވަހު އަލްޖަޒީރާ އެރެބިކް ޗެނަލުން ދައްކާގޮތަށް ވަނީ ހަމަޖެހިފައެވެ.
މިއީ "ގްރޭޓާ އިސްރާއީލް" ބޮޑު މަޝްރޫއުގެ ދަށުން ގަލްފުގެ ގައުމުތަކަށާއި އީރާނާ އިތުރަށް ގާތްވުމުގެ މަގުސަދުގައި އިސްރާއީލުން ހިންގާ ނުރައްކާތެރި ރޭވުމެއް ކަމަށް ރައީސް ފާހަގަކުރެއްވިއެވެ.
އިސްރާއީލަކީ ބައިނަލްއަގުވާމީ ގާނޫނުތަކަށް ބޯނުއަޅާ، ސަރަހައްދީ ހަމަޖެހުން ނަގާލާ ބާރެއްގެ ގޮތުގައި ސިފަކުރައްވަމުން ރައީސް ވިދާޅުވީ، ސޯމާލިލޭންޑް ވަކި ދައުލަތެއްގެ ގޮތުގައި އިސްރާއީލުން ބަލައިގަތް ނަމަވެސް، ދުނިޔޭގެ އެހެން އެއްވެސް ގައުމަކުން އެ ސަރަހައްދު ބަލައިގެންފައި ނުވާ ކަމަށެވެ.
އަދި ސޯމާލިލޭންޑްގެ އާންމު ރައްޔިތުން ވެސް އިސްރާއީލުގެ އެއްވެސް ހަރަކާތަކަށް ތާއީދުނުކުރާ ކަން ފާހަގަކުރައްވައި، އިސްރާއީލުގެ މި އަމަލުތަކުން ކުރިމަތިވާ ކޮންމެ ގޮންޖެހުމަކުން ސޯމާލިއާއިން އަރައިގަންނާނެ ކަމަށް ވިދާޅުވިއެވެ.
މީގެއިތުރުން، އިސްރާއީލުގެ ބޯޑަރުތައް ފުރާތު ކޯރާ ހަމައަށް ފުޅާކުރުމުގެ "ގްރޭޓާ އިސްރާއީލް" ތަސައްވުރަށް ބޮޑުވަޒީރު ބެންޖަމިން ނަތަންޔާހޫ ތާއީދުކުރެއްވުމާ ގުޅިގެން އަރަބި ގައުމުތަކުގެ ބޮޑު ނުރުހުމެއް އަމާޒުވެފައިވާކަންވެސް ރައީސް ހަނދާންކޮށްދެއްވިއެވެ.
އެ ގައުމުގެ އެންމެ ބޮޑު އަސްކަރީ ބައިވެރިޔާއަކީ އެމެރިކާކަން ފާހަގަކުރައްވަމުން ރައީސް މަހްމޫދު ވިދާޅުވީ، ޓެރަރިސްޓް ޖަމާއަތް އަލްޝަބާބުގެ ބާރު ސޯމާލިއާގެ މައި ސިޓީތަކުން މިހާރު ކަނޑުވާލެވިފައިވާ ކަމަށާއި، އަލުން ގައުމުގެ ކޮންޓްރޯލް ނެގުމުގެ އެއްވެސް ފުރުސަތެއް އެ ފަރާތްތަކަށް ނުލިބޭނެ ކަމަށެވެ.
މީގެއިތުރުން، ޔަމަނުގެ ހޫތީންނަކީ ބާބުލް މަންދަބް ކަނޑުއޮޅީގެ ސަލާމަތްތެރިކަން ނަގާލާ ބައެއްގެ ގޮތުގައި ސިފަކުރެއްވި މި އިންޓަވިއު، ކުރިއަށް އޮތް އާދީއްތަ ދުވަހު އަލްޖަޒީރާ އެރެބިކް ޗެނަލުން ދައްކާގޮތަށް ވަނީ ހަމަޖެހިފައެވެ.
ކިޔުންތެރިންގެ ހިޔާލު