ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ރަސްމާލޭގައި ހިންގުމަށް އިޢުލާނުކޮށްފައިވާ "މޯލްޑިވްސް ވޯޓަރ ފްރޮންޓު އެންޑް މެރީނާ" މަޝްރޫޢާ ގުޅިގެން ރައްޔިތުންގެ މެދުގައި ކަންބޮޑުވުންތަކެއް ހުރުމުން، އެ މަޝްރޫޢު ޖަމްޢިއްޔަތުއްސަލަފުން ދިރާސާކުރަން ފަށައިފިއެވެ.

މިކަމާ ގުޅިގެން ޖަމްޢިއްޔަތުއްސަލަފުގެ ތަރުޖަމާނު ޙަސަން މޫސާ ފިކުރީ މިއަދު މީސްމީޑިއާގައި ވިދާޅުވީ، ސަރުކާރުން ރަަސްމާލޭގައި ހިންގުމަށް އިޢުލާނުކޮށްފައިވާ “މޯލްޑިވްސް ވޯޓަރ ފްރޮންޓު އެންޑް މެރީނާ” މަޝްރޫޢާމެދު ކަންބޮޑުވުންތަކެއް ހުރިކަމަށް ފެންނަ ކަމަށެވެ.

"ޖަމްޢިއްޔަތުއްސަލަފުން، ސަރުކާރުގެ ކަމާބެހޭ ފަރާތްތަކާ ބައްދަލު ކޮށްގެންނާއި، އެހެނިހެން ގޮތްގޮތުން މަޢުލޫމާތު ސާފުކޮށް، މަޝްރޫޢު ދިރާސާ ކުރަމުންދާ ވާހަކަ ރައްޔިތުންގެ މަޢުލޫމާތަށްޓަކައި ދަންނަވަމެވެ." ޖަމްޢިއްޔަތުއްސަލަފުގެ ތަރުޖަމާނު ޙަސަން މޫސާ ފިކުރީ ވިދާޅުވެފައިވެއެވެ.

ސަރުކާރުން ރަަސްމާލޭގައި ހިންގުމަށް އިޢުލާނުކޮށްފައިވާ “މޯލްޑިވްސް ވޯޓަރ ފްރޮންޓު އެންޑް މެރީނާ” މަޝްރޫޢާމެދު ކަންބޮޑުވުންތަކެއް ހުރިކަމަށް ފެންނާތީ ޖަމްޢިއްޔަތުއްސަލަފުން، ސަރުކާރުގެ ކަމާބެހޭ ފަރާތްތަކާ ބައްދަލުކޮށްގެންނާއި އެހެނިހެން ގޮތްގޮތުން މަޢުލޫމާތު ސާފުކޮށް، މަޝްރޫޢު…

— 𝐒𝐡𝐤 𝐇𝐚𝐬𝐬𝐚𝐧 𝐅𝐢𝐤𝐫𝐞𝐞 (@HassanFikree) September 28, 2026

ސަލަފްގެ ތަރުޖަމާނު ޙަސަން މޫސާ ފިކުރީ މިހެން ވިދާޅުވެފައިވާއިރު، ރަސްމާލެ މަޝްރޫއުގެ ދަށުން ހިއްކުމަށް ހަމަޖެހިފައިވާ 1،010 ހެކްޓަރުގެ ބިމުގެ ތެރެއިން 500 ހެކްޓަރުގެ ބިން، ދުނިޔޭގެ މުއްސަނދިންނަށް އަމާޒުކޮށްގެން އެޕާޓްމަންޓްތައް ތަރައްގީކޮށް ވިއްކުމަށް ޔޫއޭއީގެ އީގަލް ހިލްސް ކުންފުންޏަށް މިސަރުކާރުން ހަވާލުކުރީ މިދިޔަ ހޯމަ ދުވަހުއެވެ. އަދި އެ ކުންފުނިން މިހާރު ވަނީ އެ ތަންތަން ވިއްކުމުގެ މަސައްކަތް ވެސް ފަށާފައެވެ.

ރަސްމާލެއިން ޔޫއޭއީ ކުންފުންޏަށް ބިން ދިން މައްސަލަ ބާތިލުކުރަން މިހާރުވަނީ ސުޕްރީމް ކޯޓަށްވެސް ހުށައަޅާފައެވެ. މި މައްސަލާގައި ވަކިވަކި ދީނީ ޢިލްމުވެރިންވެސް ގެންދަވަނީ މީސްމީޑިއާގައި ކަންބޮޑުވުން ފާޅުކުރަމުންނެވެ.