ދިވެހިރާއްޖޭގައި ފެންވަރު ރަނގަޅު މަތީ ތަޢުލީމު ފޯރުކޮށްދިނުމުގައި ފާހަގަކޮށްލެވޭ އެވިޑް ކޮލެޖުން މިއަހަރުގެ ސެޕްޓެމްބަރު މަހުގެ އިންޓޭކަށް ދަރިވަރުންނަށް ފުރުޞަތު ހުޅުވާލައިފިއެވެ.

ކޮންމެ ދަރިވަރެއްގެ ވެސް ތަޢުލީމީ އަދި ވަޒީފާގެ އަމާޒުތަކާ އެއްގޮތަށް، ސެޓްފިކެޓް ފެންވަރުން ފެށިގެން މާސްޓަރސް ޑިގްރީއާ ހަމައަށް ތަފާތު ގިނަ ދާއިރާތަކަކުން މި އިންޓޭކުގައި ކޯސްތައް ވަނީ ތަޢާރަފުކޮށްފައެވެ. މީގެއިތުރުން ވަޒީފާ އަދާކުރަމުން ނުވަތަ ރަށުގައި ތިބެގެން ކިޔަވަން ބޭނުންވާ ފަރާތްތަކަށް ލުއިފަސޭހަކޮށްދިނުމުގެ ގޮތުން ކުލާހަށް ހާޒިރުވެގެންނާއި، އޮންލައިންކޮށް އަދި ބްލެންޑެޑް މޮޑަލްއަށް ކިޔެވުމުގެ މަގު ވަނީ ތަނަވަސްކޮށްދީފައެވެ.

މަތީ ތަޢުލީމުގެ ބިންގާ ވަރުގަދަކުރުމަށް ޚާއްޞަކޮށްގެން ހިންގާ ސެޓްފިކެޓް ލެވެލްގެ ކޯސްތަކުގެ ތެރޭގައި އެމް.އެން.ކިޔު.އެފް ލެވެލް 3 ގެ ހަ މަސް ދުވަހުގެ ސެޓްފިކެޓް 3 އިން ހިއުމަން ރިސޯސް މެނޭޖްމަންޓް ހިމެނެއެވެ. އަދި އެއް އަހަރު ދުވަހުގެ މުއްދަތަށް ހިންގާ ލެވެލް 4 ގެ ކޯސްތަކުގެ ތެރޭގައި ސެޓްފިކެޓް 4 އިން ފައުންޑޭޝަން ސްޓަޑީޒް އާއި ސެޓްފިކެޓް 4 އިން ބިޒްނަސް އެޑްމިނިސްޓްރޭޝަން ހިމެނެއެވެ. މި ކޯސްތައް ކިޔަވައިދިނުމަށް ހަމަޖެހިފައިވަނީ ފޭސް-ޓު-ފޭސް، ބްލެންޑެޑް އަދި އޮންލައިންކޮށެވެ.

ޑިޕްލޮމާ ފެންވަރުގެ ކޯސްތަކަށް ބަލާއިރު، އެއް އަހަރު ދުވަހުގެ މުއްދަތަށް ހިންގާ ލެވެލް 5 ގެ ގިނަ ޕްރޮގްރާމްތަކެއް މި އިންޓޭކުގައި ހިމެނެއެވެ. އޭގެތެރޭގައި ޤާނޫނީ ދާއިރާއިން ޑިޕްލޮމާ އިން ޝަރީޢާ އެންޑް ލޯ، އަދި އޭވިއޭޝަން ދާއިރާއަށް ޚާއްޞަ ޑިޕްލޮމާ އޮފް ބިޒްނަސް އިން އޭވިއޭޝަން ފާހަގަކޮށްލެވެއެވެ. މީގެ އިތުރުން ވިޔަފާރިއާއި ހިންގުމުގެ ދާއިރާއިން ޑިޕްލޮމާ އިން ބިޒްނަސް އެޑްމިނިސްޓްރޭޝަން، ޑިޕްލޮމާ އިން ހިއުމަން ރިސޯސް މެނޭޖްމަންޓް، ޑިޕްލޮމާ އިން ޕްރޮޖެކްޓް މެނޭޖްމަންޓް، އަދި ޑިޕްލޮމާ އިން އޮފީސް މެނޭޖްމަންޓް ހިމެނެއެވެ. އަދި މާލީ ހޯދުންތަކާއި އޮޑިޓް ދާއިރާއަށް ޝައުޤުވެރިވާ ފަރާތްތަކަށް ޑިޕްލޮމާ އިން އޮޑިޓިންގ އެންޑް ފްރޯޑް އިންވެސްޓިގޭޝަން ވެސް ފޭސް-ޓު-ފޭސް، ބްލެންޑެޑް އަދި އޮންލައިންކޮށް ކިޔެވުމުގެ ފުރުޞަތު ވަނީ ހުޅުވާލާފައެވެ.

ފުރަތަމަ ޑިގްރީ ހާސިލުކުރަން އެދޭ ފަރާތްތަކަށް އެމް.އެން.ކިޔު.އެފް ލެވެލް 7 ގެ ތިން އަހަރު ދުވަހުގެ މުއްދަތަށް ކުރިއަށްގެންދާ ފުރިހަމަ ޕްރޮގްރާމްތަކެއް އެވިޑް ކޮލެޖުން ފޯރުކޮށްދެއެވެ. މިގޮތުން ބެޗްލަރ އޮފް ޝަރީޢާ އެންޑް ލޯ، ބެޗްލަރ އޮފް ބިޒްނަސް އިން އޭވިއޭޝަން، ބެޗްލަރ އޮފް ބިޒްނަސް އެޑްމިނިސްޓްރޭޝަން، ބެޗްލަރ އޮފް ހިއުމަން ރިސޯސް މެނޭޖްމަންޓް، ބެޗްލަރ އޮފް ޕްރޮޖެކްޓް މެނޭޖްމަންޓް އަދި ބެޗްލަރ އޮފް އޮފީސް މެނޭޖްމަންޓް ފަދަ ޒަމާނާ ގުޅޭ މުހިންމު ކޯސްތައްވެސް ކިޔެވޭނެ އިންތިޒާމު ވަނީ ހަމަޖެހިފައެވެ.

މަތީ ތަޢުލީމުގެ އިތުރު ހަރުފަތްތަކަށް ދަތުރުކުރަން ބޭނުންވާ ފަރާތްތަކަށް ޕޯސްޓްގްރެޖުއޭޓް ޑިޕްލޮމާ އާއި މާސްޓަރސް ޑިގްރީގެ ގިނަ ފުރުޞަތުތަކެއް ވަނީ ތަނަވަސްކޮށްދީފައެވެ. އެގޮތުން އެއް އަހަރު ދުވަހުގެ ލެވެލް 8 ގެ ޕޯސްޓްގްރެޖުއޭޓް ޑިޕްލޮމާ އިން ލީޑަރޝިޕް އެންޑް މެނޭޖްމަންޓްގެ އިތުރުން، މާސްޓަރސް ލެވެލް (ލެވެލް 9) ގެ އެއް އަހަރު ދުވަހުގެ ކޯސްތަކުގެ ތެރޭގައި މާސްޓަރ އޮފް ސައިންސް އިން އިސްލާމިކް ޖުޑީޝަލް ޕްރެކްޓިސް، މާސްޓަރ އޮފް ރިސާޗް ސްޓަޑީޒް، މާސްޓަރ އޮފް ބިޒްނަސް އެޑްމިނިސްޓްރޭޝަން (އެމް.ބީ.އޭ)، މާސްޓަރ އޮފް ކޮންސްޓްރަކްޝަން މެނޭޖްމަންޓް، މާސްޓަރ އޮފް ޕަބްލިކް އެޑްމިނިސްޓްރޭޝަން، މާސްޓަރ އޮފް ހިއުމަން ރިސޯސް މެނޭޖްމަންޓް، އަދި މާސްޓަރ އޮފް ޕްރޮޖެކްޓް މެނޭޖްމަންޓް ހިމެނެއެވެ.

މީގެ އިތުރުން މާކެޓަށް ޚާއްޞަ އެމް.ބީ.އޭ އިން ލޮޖިސްޓިކްސް އެންޑް ސަޕްލައި ޗެއިން މެނޭޖްމަންޓް އަދި އެމް.ބީ.އޭ އިން ހެލްތުކެއަރ މެނޭޖްމަންޓް ފާހަގަކޮށްލެވެއެވެ. ތަޢުލީމީ ދާއިރާގައި މަސައްކަތްކުރައްވާ ބޭފުޅުންނަށް ޚާއްޞަކޮށްގެން މާސްޓަރ އޮފް އެޑިޔުކޭޝަނަލް ލީޑަރޝިޕް އެންޑް މެނޭޖްމަންޓް، މާސްޓަރ އޮފް އެޑިޔުކޭޝަން، މާސްޓަރ އޮފް ޓީޗިންގ އިންކްލޫސިވް އެންޑް ސްޕެޝަލް އެޑިޔުކޭޝަން، މާސްޓަރ އޮފް އާރލީ ޗައިލްޑްހުޑް އެޑިޔުކޭޝަން އަދި ހަމައެކަނި ފޭސް-ޓު-ފޭސްކޮށް ހިންގާ މާސްޓަރ އޮފް ޓީޗިންގ (އިސްލާމިކް ސްޓަޑީޒް) ވެސް މި އިންޓޭކުގައި ހިމެނެއެވެ.

އެވިޑް ކޮލެޖުގެ ތަޖުރިބާކާރު ލެކްޗަރާއިންނާއެކު ތަޢުލީމީ ޙަޔާތް އިތުރަށް ކުރިއެރުވުމަށްޓަކައި ހުޅުވާލެވިފައިވާ މި ރަނުގެ ފުރުޞަތުތަކަށް އެދި ފޯމު ހުށަހެޅުމުގެ އެންމެ ފަހު ތާރީޚަކީ ސެޕްޓެމްބަރު މަހުގެ ނިޔަލަށެވެ. ވީމާ، އަމިއްލަ މުސްތަޤުބަލާއި ކެރިއަރު ބައްޓަންކުރުމަށްޓަކައި ލަސްނުކުރައްވައި އެވިޑް ކޮލެޖުގެ ސެޕްޓެމްބަރު އިންޓޭކަށް މިހާރުން ފެށިގެން އެޕްލައި ކުރައްވާށެވެ.