ޕާކިސްތާނުގެ ވެރިރަށް އިސްލާމްއާބާދުގައި ހުންނަ ސަރުކާރުގެ މައި ހޮސްޕިޓަލެއްގައި ހިނގި އަލިފާނުގެ ނުރައްކާތެރި ޙާދިސާއެއްގައި، އަލަށް އުފަންވި 15 ތުއްތުކުއްޖަކު ފިހިގެންނާއި ދުމުގެ އަސަރުކޮށްގެން ނިޔާވެއްޖެއެވެ.
މި ޙާދިސާ ހިނގާފައިވަނީ އިސްލާމްއާބާދުގެ އެންމެ ބޮޑު އެއް ހޮސްޕިޓަލް ކަމަށްވާ "ޕާކިސްތާން އިންސްޓިޓިއުޓް އޮފް މެޑިކަލް ސައިންސަސް" (ޕީއައިއެމްއެސް) ގެ ތުއްތުކުދިންނަށް ފަރުވާދޭ ޚާއްޞަ ވޯޑު (ނިއޯނޭޓަލް އިންޓެންސިވް ކެއާ ޔުނިޓް - އެންއައިސީޔޫ) ގައެވެ.
ޕާކިސްތާނުގެ ޚަބަރުފަތުރާ ވަސީލަތްތަކުން މަޢުލޫމާތުދޭ ގޮތުގައި، މި އަލިފާނުގެ ޙާދިސާ ހިނގަން މެދުވެރިވީ އެ ވޯޑުގައި ހަރުކޮށްފައި ހުރި އެއާކޮންޑިޝަނިންގ (އޭސީ) ޔުނިޓެއްގައި ޝޯޓް ސާކިޓެއް ވެގެންނެވެ. އަލިފާން ރޯވި ވަގުތު އެ ޔުނިޓުގައި އަލަށް އުފަންވި 16 ކުދިން ތިބިއިރު، ސަލާމަތީ ފަރާތްތަކަށް ސަލާމަތް ކުރެވުނީ އެންމެ ކުއްޖެކެވެ. ސަލާމަތްވި ކުއްޖާއަށް މިހާރު ގެންދަނީ އެ ހޮސްޕިޓަލުގެ އެހެން ވޯޑެއްގައި ޚާއްޞަ ފަރުވާ ދެމުންނެވެ.
ހާދިސާ ހިނގި ވަގުތު މުޅި ވޯޑު ތެރެއަށް ބޯދުން ފެތުރިގެން ދިޔުމުގެ ސަބަބުން، ކުދިން ސަލާމަތްކުރުމަށް ހޮސްޕިޓަލުގެ މުވައްޒަފުންނަށާއި އަލިފާން ނިއްވާ ފަރާތްތަކަށް ބޮޑެތި ގޮންޖެހުންތަކަކާ ކުރިމަތިލާން ޖެހުނެވެ. ނަމަވެސް، އަލިފާން ނިއްވާ ލަޝްކަރުން ވަގުތުން ޙަރަކާތްތެރިވެ އަލިފާންގަނޑު އެހެން ވޯޑުތަކަށް ފެތުރިގެން ދިޔަނުދީ ވަނީ ކޮންޓްރޯލްކޮށް، ސަރަޙައްދު ފިނިކުރުމުގެ މަސައްކަތް ކޮށްފައެވެ.
މި ހިތާމަވެރި ޙާދިސާއާ ގުޅިގެން ޕާކިސްތާނުގެ ސަރުކާރުން ވަނީ ކަންބޮޑުވުން ފާޅުކޮށްފައެވެ. އަދި މި މައްސަލަ ވަރަށް ސީރިއަސްކޮށް ބަލައި، އިހުމާލުވި ފަރާތްތައް ދެނެގަނެ ފިޔަވަޅު އެޅުމަށްޓަކައި ޚާއްޞަ ތަޙުޤީޤީ ކޮމިޓީއެއް ވަނީ އެކުލަވާލާފައެވެ.
މިއީ ފަހުގެ ތާރީޚެއްގައި ޕާކިސްތާނުގެ ޞިއްޙީ މަރުކަޒެއްގައި ހިނގި މިފަދަ އެންމެ ހިތްދަތި އަދި ގެއްލުން ބޮޑު އެއް ޙާދިސާއެވެ.
ޕާކިސްތާނުގެ ޚަބަރުފަތުރާ ވަސީލަތްތަކުން މަޢުލޫމާތުދޭ ގޮތުގައި، މި އަލިފާނުގެ ޙާދިސާ ހިނގަން މެދުވެރިވީ އެ ވޯޑުގައި ހަރުކޮށްފައި ހުރި އެއާކޮންޑިޝަނިންގ (އޭސީ) ޔުނިޓެއްގައި ޝޯޓް ސާކިޓެއް ވެގެންނެވެ. އަލިފާން ރޯވި ވަގުތު އެ ޔުނިޓުގައި އަލަށް އުފަންވި 16 ކުދިން ތިބިއިރު، ސަލާމަތީ ފަރާތްތަކަށް ސަލާމަތް ކުރެވުނީ އެންމެ ކުއްޖެކެވެ. ސަލާމަތްވި ކުއްޖާއަށް މިހާރު ގެންދަނީ އެ ހޮސްޕިޓަލުގެ އެހެން ވޯޑެއްގައި ޚާއްޞަ ފަރުވާ ދެމުންނެވެ.
ހާދިސާ ހިނގި ވަގުތު މުޅި ވޯޑު ތެރެއަށް ބޯދުން ފެތުރިގެން ދިޔުމުގެ ސަބަބުން، ކުދިން ސަލާމަތްކުރުމަށް ހޮސްޕިޓަލުގެ މުވައްޒަފުންނަށާއި އަލިފާން ނިއްވާ ފަރާތްތަކަށް ބޮޑެތި ގޮންޖެހުންތަކަކާ ކުރިމަތިލާން ޖެހުނެވެ. ނަމަވެސް، އަލިފާން ނިއްވާ ލަޝްކަރުން ވަގުތުން ޙަރަކާތްތެރިވެ އަލިފާންގަނޑު އެހެން ވޯޑުތަކަށް ފެތުރިގެން ދިޔަނުދީ ވަނީ ކޮންޓްރޯލްކޮށް، ސަރަޙައްދު ފިނިކުރުމުގެ މަސައްކަތް ކޮށްފައެވެ.
މިއީ ފަހުގެ ތާރީޚެއްގައި ޕާކިސްތާނުގެ ޞިއްޙީ މަރުކަޒެއްގައި ހިނގި މިފަދަ އެންމެ ހިތްދަތި އަދި ގެއްލުން ބޮޑު އެއް ޙާދިސާއެވެ.
ކިޔުންތެރިންގެ ހިޔާލު