އިންޑިއާގެ ޕަންޖާބު ސްޓޭޓުގައި ވަޒީފާ ނެތް މައްސަލައާ ދެކޮޅަށް އަޑުއުފުލި ޒުވާނުންނާއި ފުލުހުންގެ މެދުގައި ވަރުގަދަ ކުރިމަތިލުންތަކެއް ހިނގައިފިއެވެ. މި ހަމަނުޖެހުންތައް ހިނގީ، އިހުތިޖާޖުގެ ބައިވެރިން އެ ސްޓޭޓުގެ ޗީފް މިނިސްޓަރު ބަގްވަންތު މާންގެ ގެކޮޅަށް މިސްރާބުޖަހައި ހިނގާލުމެއް ބާއްވަން އުޅުމުގެ ތެރޭގައެވެ.
"ބޭރޯޒްގާރު ސަންޔުކްތު މޯރްޗާ ޕަންޖާބު" ޖަމާއަތުން އިންތިޒާމުކުރި މި ހަރަކާތް ކުރިއަށްދިޔައީ ޕަންޖާބުގެ ސަންގްރޫރުގައެވެ. ވަޒީފާގެ ފުރުސަތުތައް ފަހިކޮށްދިނުމަށާއި، ގިނަ ދުވަސްތަކެއް ވަންދެން ހައްލުނުވެ ހުރި ކަންބޮޑުވުންތަކަށް ހައްލެއް ހޯދުމަށް ގޮވާލައި ބޭއްވި މި ހިނގާލުން ފެށީ ވާކާ ޕްލާންޓް ސަރަހައްދުންނެވެ.
އިހުތިޖާޖުގެ ބައިވެރިން ޗީފް މިނިސްޓަރުގެ ގެކޮޅާ ދިމާއަށް ކުރިއަށް ދިއުމަށް މަސައްކަތް ކުރުމުން، ފުލުހުން ވަނީ މަގުމަތީގައި ބެރިކޭޑްތައް ބަހައްޓައި އެމީހުން ހުއްޓުވާފައެވެ. ނަމަވެސް ބައިވެރިން ބެރިކޭޑްތައް ފަހަނައަޅައި ދާން އުޅުމުގެ ތެރޭގައި ދެފަރާތުގެ މެދުގައި ހަމަނުޖެހުން ހިނގައި، މަޝްރަހު ވަރަށް ބޮޑަށް ހޫނުވިއެވެ. މި ކުރިމަތިލުންތަކުގެ ތެރޭގައި ބައެއް މީހުންނަށް އަނިޔާވެފައިވާއިރު، އިހުތިޖާޖުގައި ބައިވެރިވި ބައެއް އަންހެނުން ހޭނެތިގެން ވެއްޓުނު ކަމަށްވެސް މައުލޫމާތު ލިބެއެވެ.
އިހުތިޖާޖުގެ ބައިވެރިން ތުހުމަތުކުރާ ގޮތުގައި، އެތައް މަހެއް ވަންދެން ސުލްހަވެރިކަމާއެކު އަޑުއުފުލަމުންދިޔަ ނަމަވެސް، ވަޒީފާގެ ފުރުސަތުތަކާ ގުޅޭގޮތުން ޕަންޖާބު ސަރުކާރުން އެއްވެސް އަޅާލުމެއް ދީފައެއް ނުވެއެވެ.
އެ ޖަމާއަތުގެ ލީޑަރުން ވަނީ، އެމީހުންގެ ހުށަހެޅުންތަކަށް ދާއިމީ ހައްލެއް ނުލިބެނީސް އިހުތިޖާޖު ހުއްޓައިނުލާނެ ކަމަށް ބުނެފައެވެ. އަދި އެދެވޭ އިޖާބައެއް ނުލިބިއްޖެނަމަ، މުޅި ސްޓޭޓަށް އިހުތިޖާޖު ފުޅާކުރާނެ ކަމުގެ އިންޒާރުވެސް އެމީހުން ވަނީ ދީފައެވެ. މި ހާދިސާއާ ގުޅިގެން ސަރަހައްދުގެ ސަލާމަތީ ކަންކަން ވަރުގަދަކުރުމަށްޓަކައި ގިނަ އަދަދެއްގެ ފުލުހުން މިހާރުވެސް ދަނީ އެ ސަރަހައްދުގައި ހަރަކާތްތެރިވަމުންނެވެ.
އިހުތިޖާޖުގެ ބައިވެރިން ޗީފް މިނިސްޓަރުގެ ގެކޮޅާ ދިމާއަށް ކުރިއަށް ދިއުމަށް މަސައްކަތް ކުރުމުން، ފުލުހުން ވަނީ މަގުމަތީގައި ބެރިކޭޑްތައް ބަހައްޓައި އެމީހުން ހުއްޓުވާފައެވެ. ނަމަވެސް ބައިވެރިން ބެރިކޭޑްތައް ފަހަނައަޅައި ދާން އުޅުމުގެ ތެރޭގައި ދެފަރާތުގެ މެދުގައި ހަމަނުޖެހުން ހިނގައި، މަޝްރަހު ވަރަށް ބޮޑަށް ހޫނުވިއެވެ. މި ކުރިމަތިލުންތަކުގެ ތެރޭގައި ބައެއް މީހުންނަށް އަނިޔާވެފައިވާއިރު، އިހުތިޖާޖުގައި ބައިވެރިވި ބައެއް އަންހެނުން ހޭނެތިގެން ވެއްޓުނު ކަމަށްވެސް މައުލޫމާތު ލިބެއެވެ.
އެ ޖަމާއަތުގެ ލީޑަރުން ވަނީ، އެމީހުންގެ ހުށަހެޅުންތަކަށް ދާއިމީ ހައްލެއް ނުލިބެނީސް އިހުތިޖާޖު ހުއްޓައިނުލާނެ ކަމަށް ބުނެފައެވެ. އަދި އެދެވޭ އިޖާބައެއް ނުލިބިއްޖެނަމަ، މުޅި ސްޓޭޓަށް އިހުތިޖާޖު ފުޅާކުރާނެ ކަމުގެ އިންޒާރުވެސް އެމީހުން ވަނީ ދީފައެވެ. މި ހާދިސާއާ ގުޅިގެން ސަރަހައްދުގެ ސަލާމަތީ ކަންކަން ވަރުގަދަކުރުމަށްޓަކައި ގިނަ އަދަދެއްގެ ފުލުހުން މިހާރުވެސް ދަނީ އެ ސަރަހައްދުގައި ހަރަކާތްތެރިވަމުންނެވެ.
ކިޔުންތެރިންގެ ހިޔާލު