ފޮރިން މިނިސްޓަރު މަގާމަށް އިރުތިޝާމް އާދަމް އައްޔަންކޮށް އާޓްސް ކަލްޗާ އެންޑް ހެރިޓޭޖް މިނިސްޓަރަކަށް ހީނާ ވަލީދު އައްޔަންކުރަށްވައިފިއެވެ.

ރައީސް މުޢިއްޒުގެ ކެބިނެޓަށް ބޮޑެތި ބަދަލު ގެނެސް އާ ކެބިނެޓް މިރޭ ވަނީ ހުވާކޮށްފައެވެ. އައު ވަޒީރުން މަޤާމުގެ ހުވާކުރުމުގެ ރަސްމިއްޔާތު، އޮތީ މިރޭ ރައީސުލްޖުމްހޫރިއްޔާގެ އޮފީހުގައެވެ. މި ރަސްމިއްޔާތުގައި ވަޒީރުންނަށް ހުވާލައިދެއްވީ ދިވެހިރާއްޖޭގެ އުއްތަމަ ފަނޑިޔާރު އަލްއުސްތާޛު ޢަބްދުލްޣަނީ މުޙައްމަދުއެވެ. ވަޒީރުކަމުގެ ފަތްކޮޅު އެ ބޭފުޅުންނާ ހަވާލުކޮށްދެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒެވެ.

އަލަށް އައްޔަނުކުރެއްވި ވަޒީރުންނާއި މަޤާމުތައް:

1: މިނިސްޓަރ އޮފް ފިނޭންސް އެންޑް ޕަބްލިކް އެންޓަޕްރައިޒެސް: މޫސާ ޒަމީރު

2: މިނިސްޓަރ އޮފް ހޯމްލޭންޑް ސެކިއުރިޓީ، ލޭބަރ އެންޑް ޓެކްނޮލޮޖީ: ޢަލީ އިޙުސާން

3:މިނިސްޓަރ އޮފް ފޮރިން އެފެއާޒް: އިރުތިޝާމް އާދަމް

4:މިނިސްޓަރ އޮފް އެޑިއުކޭޝަން، ހަޔަރ އެޑިއުކޭޝަން އެންޑް ސްކިލް ޑިވެލޮޕްމަންޓް: ޑރ. އިސްމާޢީލް ޝަފީޢު

5: މިނިސްޓަރ އޮފް ހެލްތް، ފެމިލީ އެންޑް ވެލްފެއަރ: ޤީލާ ޢަލީ

6:މިނިސްޓަރ އޮފް އިކޮނޮމިކް ޑިވެލޮޕްމަންޓް، ޓްރާންސްޕޯޓް އެންޑް ޓްރޭޑް: މުޙައްމަދު ސަޢީދު

7:މިނިސްޓަރ އޮފް އިސްލާމިކް އެފެއާޒް އެންޑަވަމަންޓްސް: ޑރ. މުޙައްމަދު ޝަހީމް ޢަލީ ސަޢީދު

8:މިނިސްޓަރ އޮފް ޓޫރިޒަމް އެންޑް ސިވިލް އެވިއޭޝަން: މުޙައްމަދު އަމީން

9:މިނިސްޓަރ އޮފް ޔޫތް އެމްޕަވަރމަންޓް، ސްޕޯޓްސް އެންޑް ފިޓްނެސް: ޢަބްދުﷲ ރާފިޢު

10: މިނިސްޓަރ އޮފް އާޓްސް، ކަލްޗަރ އެންޑް ހެރިޓޭޖް: ހީނާ ވަލީދު

11: މިނިސްޓަރ އޮފް އިންފްރާސްޓްރަކްޗަރ، ހައުސިންގ އެންޑް އަރބަން ޑިވެލޮޕްމަންޓް: ޢަބްދުﷲ މުއްޠަލިބް

12: މިނިސްޓަރ އޮފް ކްލައިމެޓް ޗޭންޖް، އެންވަޔަރަމަންޓް އެންޑް އެނަރޖީ: ޢަލީ ޝަރީފް

ރައީސް އޮފީހުން ބުނީ 20 ވަޒީރުންގެ މައްޗަށް އެކުލެވޭ ކެބިނެޓުގެ ދެބައިކުޅަ އެއްބައި ވަޒީރުން އިސްތިއުފާ ދެއްވީ، ރައްޔިތުންގެ އިޙްސާސްތަކާ އެއްގޮތަށް ސަރުކާރު ހިންގެވުމަށް ރައީސުލްޖުމްހޫރިއްޔާ ގެންނަވަން ބޭނުންފުޅުވާ އިޞްލާޙީ ބަދަލުތަކަށް މަގުފަހިކޮށްދެއްވުމަށެވެ. މި ބަދަލުތަކަކީ ސަރުކާރުގެ ހިންގުން ހަރުދަނާކޮށް، ރައްޔިތުންނަށް ވެފައިވާ ވަޢުދުތައް ފުއްދުމުގައި އިތުރު ހަލުވިކަމެއް ގެނައުމަށް ރައީސުލްޖުމްހޫރިއްޔާ ނިންމެވި ނިންމެވުމެއް ކަމަށްވެސް އެ އޮފީހުން ވަނީ ބުނެފައެވެެ.