މިއަދުގެ ދިރިއުޅުމަށް ބަލާއިރު، ހޫނުގަދަ ގައުމެއްގައި ދިރިއުޅޭ ކޮންމެ މީހަކަށްވެސް އެއާކޮންޑިޝަނަރ (އޭސީ) އަކީ ކޮންމެހެން ބޭނުންތެރި އެއްޗެކެވެ. ނަމަވެސް، ގިނަ ވަގުތު އޭސީގައި ހޭދަކުރުމަކީ ސިއްހީ ގޮތުން އެކި ކަހަލަ އުނދަގޫތަކާ ކުރިމަތިލާންޖެހޭ ކަމެއްކަން ގިނަ މީހުންނަށް ނޭނގެއެވެ. ފުއްޕާމޭގެ ބަލިތަކާ ބެހޭ މާހިރުން (ޕަލްމޮނޮލޮޖިސްޓުން) ފާހަގަކުރާ ގޮތުގައި، އޭސީގެ ސަބަބުން ސީދާ ބަލި ނުޖެހުނު ކަމުގައިވިޔަސް، ބަލިވުމަށް މަގުފަހިވާ ފަދަ މާހައުލެއް އުފެދިގެން ދެއެވެ.
އޭސީ ބޭނުންކުރުމުން ދިމާވާ އެންމެ ބޮޑު އެއް މައްސަލައަކީ ވައިގެ ތެތްކަން ނުވަތަ ހިއުމިޑިޓީ ދަށްވުމެވެ. އޭސީން ވައިގެ ތެރޭގައި ހުންނަ ތެތްކަން ދަމައިގަތުމުގެ ސަބަބުން، ނޭފަތާއި ކަރުތެރޭގެ ދުލިފަށްތައް ހިކެއެވެ. މީގެ ސަބަބުން ކަރުގައި ރިއްސުމާއި، ނޭފަތް ބެދުމާއި، އަދި ނޭވާލާ ނިޒާމުގެ މައްސަލަތައް ހުންނަ މީހުންނަށް (ޚާއްސަކޮށް ނޭވާހީއްލުމާއި ސައިނަސް ހުންނަ މީހުންނަށް) އުނދަގޫތައް އިތުރުވެގެންދެއެވެ. އަދި ހަންގަނޑު ހިކުމާއި ލޮލުން ފެން އައުން ފަދަ ކަންކަމަކީވެސް މީގެ ސަބަބުން ދިމާވާ ކަންކަމެވެ.
މީގެ އިތުރުން، އޭސީ ފިލްޓަރުތައް ގަވާއިދުން ސާފުނުކުރުމަކީ ބޮޑު ނުރައްކަލެކެވެ. ފިލްޓަރުތަކުގައި ހަރުލާފައި ހުންނަ ހިރަފުހާއި، ބެކްޓީރިއާ އަދި މޮލްޑް ވައިގެ ތެރެއަށް ފެތުރިގެން ދެއެވެ. މީގެ ސަބަބުން އެލާޖީގެ މައްސަލަތައް ކުރިމަތިވެ، ކެއްސުމާއި ނޭވާ ކުރުވުން ފަދަ ކަންކަން މެދުވެރިވެއެވެ. ބައެއް ހާލަތްތަކުގައި، އޭސީ ސިސްޓަމްތަކުގައި އުފެދޭ "ލީޖިއޮނެއްލާ" ބެކްޓީރިއާގެ ސަބަބުން ނިއުމޯނިއާގެ ނުރައްކާތެރި ބާވަތެއް ކަމަށްވާ "ލީޖިއަނަލްސް ޑިޒީޒް" ޖެހުމުގެ ފުރުސަތު އޮވެއެވެ.
އޭސީގައި ހުރުމަށްފަހު ކުއްލިއަކަށް ހޫނު މާހައުލަކަށް ނުކުތުމަކީވެސް ހަށިގަނޑަށް ބޮޑު ލޮޅުމެއް އަންނަ ކަމެކެވެ. ފިނިހޫނުމިނަށް އަންނަ މިފަދަ ކުއްލި ބަދަލުތަކުގެ ސަބަބުން ހަށިގަނޑުގެ ދިފާއީ ނިޒާމަށް ބާރުބޮޑުވެ، އަވަހަށް ރޯގާޖެހުމަށް މަގުފަހިވެއެވެ. އަދި މަސްތަކުގައި ރިއްސުމާއި ބޯ އެނބުރުން ފަދަ އުނދަގޫތައްވެސް މި ބަދަލުތަކުގެ ސަބަބުން މެދުވެރިވެދާނެއެވެ.
އޭސީގެ ސަބަބުން ދިމާވާ މިފަދަ ސިއްހީ މައްސަލަތަކުން ސަލާމަތްވުމަށްޓަކައި ބައެއް މުހިންމު ފިޔަވަޅުތައް އެޅިދާނެއެވެ. އޭގެ ތެރޭގައި، ގަވާއިދުން އޭސީ ސާވިސްކޮށް ފިލްޓަރުތައް ސާފުކުރުމާއި، އޭސީގެ ފިނިހޫނުމިން މާ ދަށްނުކޮށް (24-26 ޑިގްރީ ސެލްސިއަސްގައި) ބެހެއްޓުން ހިމެނެއެވެ. އަދި ހަށިގަނޑުން ފެން މަދުވިޔަ ނުދިނުމަށްޓަކައި ގިނައިން ފެން ބުއިމާއި، ދޭތެރެއަކުން ކޮޓަރީގެ ދޮރުތައް ހުޅުވާލައި ތާޒާ ވައި ވަނުމުގެ ފުރުސަތު ދިނުމަކީ ސިއްހީ ގޮތުން ބަލާއިރު ވަރަށް މުހިންމު ކަންކަމެވެ.
މީގެ އިތުރުން، އޭސީ ފިލްޓަރުތައް ގަވާއިދުން ސާފުނުކުރުމަކީ ބޮޑު ނުރައްކަލެކެވެ. ފިލްޓަރުތަކުގައި ހަރުލާފައި ހުންނަ ހިރަފުހާއި، ބެކްޓީރިއާ އަދި މޮލްޑް ވައިގެ ތެރެއަށް ފެތުރިގެން ދެއެވެ. މީގެ ސަބަބުން އެލާޖީގެ މައްސަލަތައް ކުރިމަތިވެ، ކެއްސުމާއި ނޭވާ ކުރުވުން ފަދަ ކަންކަން މެދުވެރިވެއެވެ. ބައެއް ހާލަތްތަކުގައި، އޭސީ ސިސްޓަމްތަކުގައި އުފެދޭ "ލީޖިއޮނެއްލާ" ބެކްޓީރިއާގެ ސަބަބުން ނިއުމޯނިއާގެ ނުރައްކާތެރި ބާވަތެއް ކަމަށްވާ "ލީޖިއަނަލްސް ޑިޒީޒް" ޖެހުމުގެ ފުރުސަތު އޮވެއެވެ.
އޭސީގެ ސަބަބުން ދިމާވާ މިފަދަ ސިއްހީ މައްސަލަތަކުން ސަލާމަތްވުމަށްޓަކައި ބައެއް މުހިންމު ފިޔަވަޅުތައް އެޅިދާނެއެވެ. އޭގެ ތެރޭގައި، ގަވާއިދުން އޭސީ ސާވިސްކޮށް ފިލްޓަރުތައް ސާފުކުރުމާއި، އޭސީގެ ފިނިހޫނުމިން މާ ދަށްނުކޮށް (24-26 ޑިގްރީ ސެލްސިއަސްގައި) ބެހެއްޓުން ހިމެނެއެވެ. އަދި ހަށިގަނޑުން ފެން މަދުވިޔަ ނުދިނުމަށްޓަކައި ގިނައިން ފެން ބުއިމާއި، ދޭތެރެއަކުން ކޮޓަރީގެ ދޮރުތައް ހުޅުވާލައި ތާޒާ ވައި ވަނުމުގެ ފުރުސަތު ދިނުމަކީ ސިއްހީ ގޮތުން ބަލާއިރު ވަރަށް މުހިންމު ކަންކަމެވެ.
ކިޔުންތެރިންގެ ހިޔާލު