ގަރުނަކާ ގާތްވެފައިވާ ބަންޑާރަ މިސްކިތް ތަޅާލުމަށް ސަރުކާރުން ނިންމި ނިންމުން ބަދަލުކުރަން މާލޭގެ މޭޔަރު އާދަމް އާޒިމް ގޮވާލައްވައިފިއެވެ.
މާލޭގެ މޭޔަރު އާދަމް އާޒިމް އެކްސްގައި ކުރެއްވި ޕޯސްޓެއްގައި ވިދާޅުވީ ގައުމެއްގެ އާސާރީ ބިނާތަކަކީ އެ ގައުމެއްގެ ތާރީޚާއި ވަޒަންވެރިކަން ދައްކުވައިދޭ "މޫނުބަލާ ލޯގަނޑު" ކަމަށްވާއިރު، ދިވެހިންގެ ދީނީ އަދި ސަގާފީ ތާރީޚާ ގުޅިފައިވާ މިފަދަ މުހިންމު ރަމްޒެއް ނައްތާލުމަކީ އެއްގޮތަކަށްވެސް ބަލައިގަނެވޭނެ ކަމެއް ނޫން ކަމަށެވެ.
މީގެ އިތުރުން، ބަންޑާރަ މިސްކިތަކީ މާލެއަށް ޒިޔާރަތްކުރާ ފަރާތްތަކުގެ މެދުގައިވެސް ނުހަނު މަގުބޫލު، ތާރީޚީ ގޮތުން މުހިންމު ބިނާއެއްކަން މޭޔަރު އާޒިމް ފާހަގަކުރެއްވިއެވެ. މި މިސްކިތް ތަޅާލުމަކީ ރާއްޖޭގެ ސަގާފީ ތަރިކަ ރައްކާތެރިކުރުމުގެ ގާނޫނާ ޚިލާފު އަމަލެއްކަން ބަޔާންކުރައްވައި، ސަރުކާރުގެ އެ ނިންމުން ވަގުތުން ބަދަލުކުރުމަށް އާޒިމް ވަނީ ސަރުކާރަށް ގޮވާލައްވާފައެވެ.
މާލޭގެ ތާރީޚީ ބިނާއެއް ކަމަށްވާ، ސަތޭކަ އަހަރަށްވުރެ ގިނަ ދުވަސްވީ ބަންޑާރަ މިސްކިތް ތަޅާލުމަށްފަހު އެ ބިމުގައި އައު މިސްކިތެއް ބިނާކުރުމަށް ސަރުކާރުން ނިންމެވި ނިންމެވުމާ ގުޅިގެން ގިނަ ބަޔަކު ގެންދަނީ ކަންބޮޑުވުން ފާޅުކުރަމުންނެވެެ.
މާލޭގެ އޯކިޑް މަގުގައި ތީމުގެ އާއި ޖެހިގެން ހުންނަ ބަންޑާރަ މިސްކިތަކީ ސުލްޠާން މުޙައްމަދު ޝަމްސުއްދީން (3 ވަނަ) ގެ ރަސްކަމުގައި ބިނާކުރެއްވި، ގާތްގަނޑަކަށް ސަތޭކައެއްހާ އަހަރުވީ އާސާރީ ބިނާއެކެވެ. ރަތް ކުލައިގެ އޯޑު ފުރާޅަކާއި ތިން ފަރާތުން ހިނގޭގޮތަށް ހަދާފައިވާ ބެލްކަންޏެއް ހިމެނޭ މި މިސްކިތުގެ ފަރުމާއަކީ ދިވެހި އެހެން މިސްކިތްތަކާ ތަފާތު، ވޯރާ ވިޔަފާރިވެރިންގެ ނުފޫޒު އެކުލެވޭ ޚާއްޞަ ފަރުމާއެކެވެ.
މީގެ އިތުރުން، ބަންޑާރަ މިސްކިތަކީ މާލެއަށް ޒިޔާރަތްކުރާ ފަރާތްތަކުގެ މެދުގައިވެސް ނުހަނު މަގުބޫލު، ތާރީޚީ ގޮތުން މުހިންމު ބިނާއެއްކަން މޭޔަރު އާޒިމް ފާހަގަކުރެއްވިއެވެ. މި މިސްކިތް ތަޅާލުމަކީ ރާއްޖޭގެ ސަގާފީ ތަރިކަ ރައްކާތެރިކުރުމުގެ ގާނޫނާ ޚިލާފު އަމަލެއްކަން ބަޔާންކުރައްވައި، ސަރުކާރުގެ އެ ނިންމުން ވަގުތުން ބަދަލުކުރުމަށް އާޒިމް ވަނީ ސަރުކާރަށް ގޮވާލައްވާފައެވެ.
މާލޭގެ އޯކިޑް މަގުގައި ތީމުގެ އާއި ޖެހިގެން ހުންނަ ބަންޑާރަ މިސްކިތަކީ ސުލްޠާން މުޙައްމަދު ޝަމްސުއްދީން (3 ވަނަ) ގެ ރަސްކަމުގައި ބިނާކުރެއްވި، ގާތްގަނޑަކަށް ސަތޭކައެއްހާ އަހަރުވީ އާސާރީ ބިނާއެކެވެ. ރަތް ކުލައިގެ އޯޑު ފުރާޅަކާއި ތިން ފަރާތުން ހިނގޭގޮތަށް ހަދާފައިވާ ބެލްކަންޏެއް ހިމެނޭ މި މިސްކިތުގެ ފަރުމާއަކީ ދިވެހި އެހެން މިސްކިތްތަކާ ތަފާތު، ވޯރާ ވިޔަފާރިވެރިންގެ ނުފޫޒު އެކުލެވޭ ޚާއްޞަ ފަރުމާއެކެވެ.
ކިޔުންތެރިންގެ ހިޔާލު