ދިވެހިރާއްޖޭގެ މުވާސަލާތީ ތާރީޚަށް ނަޒަރު ހިންގާލާއިރު، 1990 ގެ އަހަރުތަކުގައި ފޯނު ކޯލެއް ކުރުމަކީ އާދައިގެ މީހަކަށް އަތްފޯރާ ފަށުގައި އޮތް ކަމެއް ނޫނެވެ. އޭރު ފޯނު ކޯލެއްގެ މިނެޓަކަށް 6 ރުފިޔާއަށްވުރެ ބޮޑު އަދަދެއް ހޭދަކުރަން ޖެހުމުން، ގިނަ ބަޔަކު ފޯނު ކޯލެއްގެ އަގާއި ރަނުގެ އަގާ އަޅާކިޔަމުން ދިޔައެވެ. އިންޓަނެޓްގެ ޚިދުމަތަކީ ވަރަށް ބޮޑަށް ލިމިޓް ކުރެވިފައިވާ، ސްޕީޑް ލަސް އަދި ބޭނުންކުރަން އުނދަގޫ އެއްޗެކެވެ. މޯބައިލް ޑޭޓާ ބޭނުންކުރާ މީހުން ތިބެނީ ނުހަނު ފަރުވާތެރިވެގެންނެވެ. ކިރިޔާވެސް ބޭނުމެއް ޖެހިއްޖެ ހާލަތެއްގައި ނޫނީ ޑޭޓާ ޖައްސައެއް ނުލައެވެ. އެއްޗެއް ޑައުންލޯޑް ކުރަން ޖެހިއްޖެ ނަމަ، ޑޭޓާކޮޅު ހުސްވެދާނެތީ އެކަމާ މެދު ވިސްނާ ފިކުރުކުރާ މީހުން އޭރު މަދެއް ނޫނެވެ.

މި ހާލަތު މިގޮތުގައި ދެމިއޮތީ ރާއްޖޭގައި މުވާސަލާތީ ޚިދުމަތް ދިނުމުގައި ވާދަވެރިކަމެއް ނެތުމުގެ ސަބަބުންނެވެ. އަހަރުތަކެއް ވަންދެން ކަސްޓަމަރުންނަށް އިޚްތިޔާރެއް ނުލިބި، އެއް ކުންފުންޏެއްގެ މައްޗަށް ބަރޯސާވާން ޖެހިފައި އޮތުމުން، ޚިދުމަތުގެ އަގުތަކުންނާއި ފެންވަރުން އެކަން ވަރަށް ބޮޑަށް ފެންނަން އޮތެވެ.

ނަމަވެސް، 2009 ވަނަ އަހަރަކީ ދިވެހިންގެ އުދަރެހުން އުންމީދީ އާ އަލިކަމެއް ފެނުނު އަހަރެކެވެ. މެދުއިރުމައްޗާއި، އުތުރު އެފްރިކާ އަދި ދެކުނު އޭޝިއާގައި އެންމެ ފަހުގެ ޓެކްނޮލޮޖީއާއެކު ބާރު ސްޕީޑްގައި ކުރިއަރަމުން އައި ޤަތަރުގެ "ވަތަނިއްޔާ" ރާއްޖޭގެ މާކެޓަށް ވަދެ، "ވަތަނިއްޔާ މޯލްޑިވްސް" ގެ ނަމުގައި ޚިދުމަތް ދޭން ފެށިއެވެ. މިއީ ދިވެހިން ކުރަމުން އައި ދިގު އިންތިޒާރަށް ނިމުމެއް އައިސް، މުވާސަލާތީ ދާއިރާއަށް އިންގިލާބީ ބަދަލެއް ގެނުވި ފަހި ބަދަލެކެވެ.

ވަތަނިއްޔާ ލޯންޗުކުރި ދުވަސްވަރު ދިވެހިންގެ ތެރޭގައި އޮތީ ބޮޑު ފޯރިއެކެވެ. ސިމް ކާޑެއް ހޯދުމަށްޓަކައި ހެނދުނު އޮފީސް ހުޅުވީއްސުރެ ރޭގަނޑު ބަންދުކުރަންދެން މީހުން ތިބީ ކިއޫގައެވެ. ގޭގޭގެ ސިޓިންގް ރޫމްތަކުގައި އާއިލާތަކުން ތިބީ ޕެކޭޖުތަކުގެ އަގުތައް އަޅާކިޔާށެވެ. ޒުވާނުން ތިބީ ބާރު ސްޕީޑްގައި އިންޓަނެޓް ބޭނުންކޮށްލަން ކެތްމަދުވެފައެވެ. މިއީ ހަމައެކަނި އާ ކުންފުންޏެއް އައުމުން އުފެދުނު ފޯރިއެއް ނޫނެވެ. މިއީ ދިވެހިންނަށް ފުރަތަމަ ފަހަރަށް ލިބުނު އިޚްތިޔާރާއި ވާދަވެރިކަމުގެ އުފަލެވެ. ގޭބިސީތަކުން މުވާސަލާތީ ޚިދުމަތަށް ކުރަންޖެހޭ ބޮޑު ޚަރަދު ކުޑަވެގެންދާނެ ކަމުގެ އުންމީދުގައެވެ.

އެ ފޯރިއާއެކު، މާކެޓްގައި އޮތް ވާދަވެރިކަން ބޮޑުވެ، ކޯލް ރޭޓްތައް ދަށްވާން ފެށިއެވެ. ޑޭޓާ ޕެކޭޖްތަކުގެ އަގު ހެޔޮވެ، ސްޕީޑް އަވަސްވެ، ތަފާތު ޕްރޮމޯޝަންތަކަށް ދިވެހިންގެ ޝައުޤުވެރިކަން އިތުރުވިއެވެ.

އަހަރުތަކެއް ފާއިތުވެގެން ދިޔައިރު، މިއަދު މުވާސަލާތީ ޚިދުމަތް ވެފައިވަނީ ދިވެހިންގެ ދިރިއުޅުމުގެ ޟަރޫރަތަކަށެވެ. ސޯޝަލް މީޑިއާ އާންމުވެ، ވީޑިއޯ ކޯލްތައް ފިންގާޓިޕަށް ބަދަލުވިއެވެ. އޮންލައިންކޮށް އުނގެނުމުގެ މަގު ފުޅާވެ، ކުދި ވިޔަފާރިތަކުން ޑިޖިޓަލް ޕްލެޓްފޯމްތައް ބޭނުންކޮށްގެން މުޅި ދުނިޔެއަށް ޚިދުމަތް ފޯރުކޮށްދޭން ފެށިއެވެ.

2013 ވަނަ އަހަރު، ވަތަނިއްޔާ ގްރޫޕް ދުނިޔޭގެ ފެންވަރުގައި "އުރީދޫ" އަށް ރީބްރޭންޑް ކުރެވި، ރާއްޖޭގައިވެސް "އުރީދޫ މޯލްޑިވްސް" ގެ ނަމުގައި ޚިދުމަތް ދޭން ފެށިއެވެ. ނަން ބަދަލުވި ނަމަވެސް، އެ ކުންފުނިން ގެނައި ކުރިއެރުމަށް މަޑުޖެހުމެއް ނާދެއެވެ. މުޅި ރާއްޖެއަށް ނެޓްވޯކް ފުޅާކޮށް، އިންފްރާސްޓްރަކްޗަރަށް ބޮޑެތި އިންވެސްޓްމަންޓްތަކެއް ކުރިއެވެ. އަސާސީ ޚިދުމަތްތަކުގެ އިތުރުން، އެކި ޖަމިއްޔާތަކަށާއި، ސްކޫލްތަކަށާއި، އިޖުތިމާއީ ކަންކަމުގައި އުރީދޫ ވެގެންދިޔައީ ރައްޔިތުންގެ ގާތް އެކުވެރިއަކަށެވެ. "އުރީދޫ ބިކޭމް ޕާރޓް އޮފް އަވަރ ލައިފް" ނުވަތަ އުރީދޫއަކީ އަޅުގަނޑުމެންގެ ދިރިއުޅުމުގެ ބަޔަކަށް ވެގެންދިޔައެވެ.

މިއަދު ފަހަތަށް ބަލާލާއިރު، އުރީދޫ ވެގެން ގޮސްފައިވަނީ ދިވެހިރާއްޖޭގެ މުވާސަލާތީ މައިދާނަށް ބޮޑު ބަދަލެއް ގެނައި ބާރަކަށެވެ. އެއީ ވާދަވެރިކަން އުފައްދައި، އަގުތައް ހެޔޮކޮށް، ޓެކްނޮލޮޖީގެ ފަސޭހަކަން އާންމު ރައްޔިތުންނާ ހަމައަށް ގެނެސްދިން މަގެވެ. ރާއްޖޭގެ އެކި ކަންކޮޅުތަކުގައި ތިބި އާއިލާތައް ގުޅުވާލަދީ، ފަތުރުވެރިކަމާއި، ވިޔަފާރިއާއި، ތައުލީމީ ދާއިރާއަށް އާ ދިރުމެއް ގެނެސްދިން ލިންކެވެ. އުރީދޫ ރާއްޖެއަށް އައުމަކީ ޒަމާނީ ތަރައްޤީގެ މުހިންމު ބާބެއްގެ ފެށުމެވެ. އެއީ ގުޅިފައިވާ މުސްތަޤްބަލަކަށް ދިވެހިން ކުރި ދަތުރުގެ އެންމެ މުހިންމު އެއް ބައިވެރިޔާއެވެ.