ކުޅިވަރު އެސޯސިއޭޝަންތަކުގެ ހިންގުން ހަރުދަނާކުރުމަށް ސަރުކާރުން ފައްޓަވާފައިވާ މަސައްކަތްތަކުގެ ދަށުން، އެސޯސިއޭޝަންތަކުގެ ޖެނަރަލް ސެކްރެޓަރީންނަށް (ޖީއެސް) ދޭ އިނާޔަތް 20،000 ރުފިޔާއަށް ބޮޑުކުރުމަށް ނިންމައިފިއެވެ.
މިކަން ހާމަކުރެއްވީ، މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަނުން މިއަހަރުގެ މިހާތަނަށް ކޮށްފައިވާ މަސައްކަތްތަކާ ގުޅޭގޮތުން ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު ޢަބްދުﷲ ރާފިޢުއެވެ.
މިނިސްޓަރު ވިދާޅުވީ، ކުޅިވަރު އެސޯސިއޭޝަންތަކަކީ ފުލްޓައިމްކޮށް ހިންގާ ތަންތަނަށް ހެދުމަށްޓަކައި ޖެނަރަލް ސެކްރެޓަރީންނަށް މިހާރު ދެމުންދާ 15،000 ރުފިޔާގެ އިނާޔަތް 20،000 ރުފިޔާއަށް ބޮޑުކުރުމުގެ އިތުރުން، އިދާރީ މަސައްކަތްތަކަށް އެހީތެރިވާނެ އިތުރު ދެ މުވައްޒަފުން ނެގުމަށް ބަޖެޓުގެ އެހީތެރިކަން ދިނުމަށް ވެސް ހަމަޖެހިފައިވާ ކަމަށެވެ.
އެސޯސިއޭޝަންތަކުގެ ހިންގުން ވަޒަންކުރުމަށްޓަކައި "ކީ-ޕާފޯމަންސް އިންޑިކޭޓާ" (KPI) ތަކެއް އެކުލަވާލުމުގެ މަސައްކަތް ވަރަށް ބާރަށް ކުރިއަށްދާކަން ފާހަގަކުރައްވައި މިނިސްޓަރު ވިދާޅުވީ، މިއީ އެސޯސިއޭޝަންތަކުން ކުރާ މަސައްކަތްތަކުގެ ފެންވަރު ދެނެގަތުމަށް އެޅޭ މުހިންމު ފިޔަވަޅެއް ކަމަށެވެ. މީގެ އިތުރުން، ފައިސާގެ މުއާމަލާތްތައް ހަރުދަނާކުރުމަށްޓަކައި ފައިނޭންޝަލް މެނޭޖްމެންޓް ތަމްރީނުތައް ހިންގާފައިވާ ކަމަށާއި، އަމިއްލައަށް އޮޑިޓް ކުރުމުގެ ގާބިލުކަން ނެތް ޖަމިއްޔާތަކަށް އޮލިމްޕިކް ކޮމިޓީ މެދުވެރިކޮށް އޮޑިޓް ފާމްތަކާ ހަވާލުކޮށްގެން އޮޑިޓް ކުރެވޭނެ އިންތިޒާމު ހަމަޖައްސާފައިވާ ކަމަށް ވެސް ރާފިޢު ވިދާޅުވިއެވެ.
ކުޅިވަރުގެ ތެރޭގައި ހިނގާ ކޮރަޕްޝަނާއި ނުރަނގަޅު އަމަލުތަކާ ގުޅޭގޮތުން ވާހަކަދައްކަވަމުން މިނިސްޓަރު ވަނީ އެސޯސިއޭޝަންތަކުގެ އެގްޒެކެޓިވް ކޮމިޓީ (އެކްސްކޯ) މެންބަރުން މިހާރަށްވުރެ ޒިންމާދާރުވުމަށް ގޮވާލައްވާފައެވެ. ވަކިވަކި އެސޯސިއޭޝަންތަކުގެ މައްސަލަތައް ބޮޑުވަންދެން މަޑުނުކޮށް، ގަވާއިދުން ބައްދަލުވުންތައް ބާއްވައި ކަންކަން ބެލެހެއްޓުމަށް އިލްތިމާސްކުރެއްވިއެވެ.
"ގިނަ ފަހަރަށް މި އޮންނަނީ މާ ފަހުން އަޅުގަނޑުމެންނަށް އެނގިފަ. އެކްސްކޯ މެންބަރުން ޒިންމާ ނަންގަވައިގެން މައްސަލަތައް ރިޕޯޓްކުރުމުން، ކަތިމަގަކުން ދިއުމުގެ ފުރުސަތު ހަނިވެގެންދާނެ،" މިނިސްޓަރު ވިދާޅުވިއެވެ.
ދާދިފަހުން ފެންމަތިވެފައިވާ ރާޒުވާ އެސޯސިއޭޝަންގެ ފައިސާގެ ހިޔާނާތުގެ މައްސަލައާ ގުޅޭގޮތުން ސުވާލުކުރުމުން މިނިސްޓަރު ވިދާޅުވީ، އެ މައްސަލަ މިހާރު ތަހުގީގު ކުރަމުންދާތީ އެކަމާ ގުޅޭ އިތުރު ތަފްސީލެއް މިވަގުތު ހާމަކުރެވެން ނެތް ކަމަށެވެ. އެހެންނަމަވެސް، ކުޅިވަރަކީ މުޖުތަމައުގެ ހަމަޖެހުމާ ގުޅިފައިވާ މާތް މަގުސަދެއްގައި ކުރެވޭ ކަމަކަށްވާތީ، އެ ދާއިރާގެ ނަޒާހަތްތެރިކަން ހިފެހެއްޓުމަކީ މުހިންމު ކަމެއްކަން މިނިސްޓަރު ފާހަގަކުރެއްވިއެވެ.
މިނިސްޓަރު ވިދާޅުވީ، ކުޅިވަރު އެސޯސިއޭޝަންތަކަކީ ފުލްޓައިމްކޮށް ހިންގާ ތަންތަނަށް ހެދުމަށްޓަކައި ޖެނަރަލް ސެކްރެޓަރީންނަށް މިހާރު ދެމުންދާ 15،000 ރުފިޔާގެ އިނާޔަތް 20،000 ރުފިޔާއަށް ބޮޑުކުރުމުގެ އިތުރުން، އިދާރީ މަސައްކަތްތަކަށް އެހީތެރިވާނެ އިތުރު ދެ މުވައްޒަފުން ނެގުމަށް ބަޖެޓުގެ އެހީތެރިކަން ދިނުމަށް ވެސް ހަމަޖެހިފައިވާ ކަމަށެވެ.
އެސޯސިއޭޝަންތަކުގެ ހިންގުން ވަޒަންކުރުމަށްޓަކައި "ކީ-ޕާފޯމަންސް އިންޑިކޭޓާ" (KPI) ތަކެއް އެކުލަވާލުމުގެ މަސައްކަތް ވަރަށް ބާރަށް ކުރިއަށްދާކަން ފާހަގަކުރައްވައި މިނިސްޓަރު ވިދާޅުވީ، މިއީ އެސޯސިއޭޝަންތަކުން ކުރާ މަސައްކަތްތަކުގެ ފެންވަރު ދެނެގަތުމަށް އެޅޭ މުހިންމު ފިޔަވަޅެއް ކަމަށެވެ. މީގެ އިތުރުން، ފައިސާގެ މުއާމަލާތްތައް ހަރުދަނާކުރުމަށްޓަކައި ފައިނޭންޝަލް މެނޭޖްމެންޓް ތަމްރީނުތައް ހިންގާފައިވާ ކަމަށާއި، އަމިއްލައަށް އޮޑިޓް ކުރުމުގެ ގާބިލުކަން ނެތް ޖަމިއްޔާތަކަށް އޮލިމްޕިކް ކޮމިޓީ މެދުވެރިކޮށް އޮޑިޓް ފާމްތަކާ ހަވާލުކޮށްގެން އޮޑިޓް ކުރެވޭނެ އިންތިޒާމު ހަމަޖައްސާފައިވާ ކަމަށް ވެސް ރާފިޢު ވިދާޅުވިއެވެ.
ކުޅިވަރުގެ ތެރޭގައި ހިނގާ ކޮރަޕްޝަނާއި ނުރަނގަޅު އަމަލުތަކާ ގުޅޭގޮތުން ވާހަކަދައްކަވަމުން މިނިސްޓަރު ވަނީ އެސޯސިއޭޝަންތަކުގެ އެގްޒެކެޓިވް ކޮމިޓީ (އެކްސްކޯ) މެންބަރުން މިހާރަށްވުރެ ޒިންމާދާރުވުމަށް ގޮވާލައްވާފައެވެ. ވަކިވަކި އެސޯސިއޭޝަންތަކުގެ މައްސަލަތައް ބޮޑުވަންދެން މަޑުނުކޮށް، ގަވާއިދުން ބައްދަލުވުންތައް ބާއްވައި ކަންކަން ބެލެހެއްޓުމަށް އިލްތިމާސްކުރެއްވިއެވެ.
ދާދިފަހުން ފެންމަތިވެފައިވާ ރާޒުވާ އެސޯސިއޭޝަންގެ ފައިސާގެ ހިޔާނާތުގެ މައްސަލައާ ގުޅޭގޮތުން ސުވާލުކުރުމުން މިނިސްޓަރު ވިދާޅުވީ، އެ މައްސަލަ މިހާރު ތަހުގީގު ކުރަމުންދާތީ އެކަމާ ގުޅޭ އިތުރު ތަފްސީލެއް މިވަގުތު ހާމަކުރެވެން ނެތް ކަމަށެވެ. އެހެންނަމަވެސް، ކުޅިވަރަކީ މުޖުތަމައުގެ ހަމަޖެހުމާ ގުޅިފައިވާ މާތް މަގުސަދެއްގައި ކުރެވޭ ކަމަކަށްވާތީ، އެ ދާއިރާގެ ނަޒާހަތްތެރިކަން ހިފެހެއްޓުމަކީ މުހިންމު ކަމެއްކަން މިނިސްޓަރު ފާހަގަކުރެއްވިއެވެ.
ކިޔުންތެރިންގެ ހިޔާލު