ބޭންކް އޮފް މޯލްޑިވްސް (ބީއެމްއެލް) އިން ތައާރަފުކޮށްފައިވާ ޑިޖިޓަލް ވޮލެޓް "ސްވައިޕް" އަކީ ވިޒިޓް މޯލްޑިވްސްގެ ރަސްމީ ވޮލެޓުގެ ގޮތުގައި މިއަދު ހަމަޖައްސައިފިއެވެ.
ބޭންކް އޮފް މޯލްޑިވްސްގެ ހެޑް އޮފީހުގައި ބޭއްވި ހާއްސަ ރަސްމިއްޔާތެއްގައި މިކަމާ ގުޅޭ ސްޓްރެޓިޖިކް އެއްބަސްވުމުގައި ވަނީ ސޮއިކޮށްފައެވެ. މި އެއްބަސްވުމުގައި ބީއެމްއެލްގެ ފަރާތުން ސޮއިކުރެއްވީ އެ ބޭންކުގެ ސީއީއޯ އަދި މެނޭޖިންގ ޑިރެކްޓަރ މުޙައްމަދު ޝަރީފެވެ. ވިޒިޓް މޯލްޑިވްސްގެ ފަރާތުން ސޮއިކުރެއްވީ އެ ތަނުގެ ސީއީއޯ އަދި މެނޭޖިންގ ޑިރެކްޓަރ އިބްރާހީމް ޝިއުރީއެވެ.
މި އެއްބަސްވުމުގެ މައިގަނޑު މަގްސަދަކީ އެންމެ ފަހުގެ ޓެކްނޮލޮޖީ ބޭނުންކޮށްގެން ރާއްޖެ އަންނަ ފަތުރުވެރިންނަށް ފައިސާގެ މުއާމަލާތްތައް ކުރުމުގައި ލުއިފަސޭހަކަން ހޯދައިދީ، އެމީހުންގެ ތަޖުރިބާ އިތުރަށް ފުރިހަމަކުރުމެވެ. މިއީ މިދިޔަ އަހަރު ބީއެމްއެލް އާއި ވިޒިޓް މޯލްޑިވްސްއާ ދެމެދު ގާއިމުކުރެވުނު ސްޓްރެޓިޖިކް ޕާޓްނަރޝިޕްގެ ދަށުން ކުރެވުނު މަސައްކަތެކެވެ.
"ސްވައިޕް" އަކީ މުސައްތަގުބަލަށް ދިވެހީން އުފައްދައި ތަރައްގީކޮށްފައިވާ ޑިޖިޓަލް ވޮލެޓެކެވެ. މި ވޮލެޓް ފަރުމާކޮށްފައިވަނީ ރާއްޖޭގެ ގާނޫނުތަކާއި ބައިނަލްއަގުވާމީ މާލީ މިންގަނޑުތަކަށް ފުރިހަމައަށް ފެތޭ ގޮތަށެވެ. މި ވޮލެޓް މެދުވެރިކޮށް ރާއްޖެއާއި ރާއްޖެއިން ބޭރުގެ މުއާމަލާތްތައް ކުރެވޭއިރު، ބީއެމްއެލް އެކައުންޓްތަކުގެ އިތުރުން ކޮންމެ ކްރެޑިޓް، ޑެބިޓް އަދި ޕްރިޕެއިޑް ކާޑަކުންވެސް ފަސޭހަކަމާއެކު ސްވައިޕް ވޮލެޓަށް ފައިސާ ޖަމާކުރެވޭނެއެވެ.
ނިމިދިޔަ ޖަނަވަރީ މަހު މި ޚިދުމަތް ލިމިޓެޑް ރިލީޒެއްގެ ގޮތުގައި ހުޅުވާލުމާ ގުޅިގެން، ކަސްޓަމަރުންނަށް މިހާރުވެސް ގިނަ ފީޗަރތަކެއް ތަޖުރިބާކުރުމުގެ ފުރުސަތު ވަނީ ލިބިފައެވެ. އޭގެ ތެރޭގައި އެކަކު އަނެކަކަށް ފައިސާ ފޮނުވުމާއި (ޕީ2ޕީ) ކިއުއާރް ކޯޑު ބޭނުންކޮށްގެން ފައިސާ ދެއްކުމާއި، ޕޭމަންޓް ލިންކް މެދުވެރިކޮށް ފައިސާ ހޯދުމުގެ އިތުރުން، އެކައުންޓުން ކުރާ ޚަރަދުތަކުގެ ތަފާސް ހިސާބުތައް ބަލާލުން ހިމެނެއެވެ.
މި އައު އެއްބަސްވުމުގެ ސަބަބުން ފަތުރުވެރިކަމުގެ ދާއިރާގައި ޑިޖިޓަލް ޚިދުމަތްތައް އަވަސްވެ، މަސައްކަތުގެ ހިންގުން ހަރުދަނާވެގެންދާނެ ކަމަށް ބީއެމްއެލް އިން ބުނެއެވެ. އަދި ބައިނަލްއަގުވާމީ މައިދާނުގައި ރާއްޖޭގެ ފަތުރުވެރިކަމުގެ މަގުބޫލުކަން އިތުރުވެ، ރާއްޖެއަކީ ޓެކްނޮލޮޖީގެ ގޮތުން ކުރިއަރާފައިވާ މަންޒިލެއްގެ ގޮތުގައި އިޝްތިހާރުވެގެންދާނެ ކަމަށް ދެ މުއައްސަސާއިންވެސް އުންމީދު ކުރެއެވެ.
މި އެއްބަސްވުމުގެ މައިގަނޑު މަގްސަދަކީ އެންމެ ފަހުގެ ޓެކްނޮލޮޖީ ބޭނުންކޮށްގެން ރާއްޖެ އަންނަ ފަތުރުވެރިންނަށް ފައިސާގެ މުއާމަލާތްތައް ކުރުމުގައި ލުއިފަސޭހަކަން ހޯދައިދީ، އެމީހުންގެ ތަޖުރިބާ އިތުރަށް ފުރިހަމަކުރުމެވެ. މިއީ މިދިޔަ އަހަރު ބީއެމްއެލް އާއި ވިޒިޓް މޯލްޑިވްސްއާ ދެމެދު ގާއިމުކުރެވުނު ސްޓްރެޓިޖިކް ޕާޓްނަރޝިޕްގެ ދަށުން ކުރެވުނު މަސައްކަތެކެވެ.
"ސްވައިޕް" އަކީ މުސައްތަގުބަލަށް ދިވެހީން އުފައްދައި ތަރައްގީކޮށްފައިވާ ޑިޖިޓަލް ވޮލެޓެކެވެ. މި ވޮލެޓް ފަރުމާކޮށްފައިވަނީ ރާއްޖޭގެ ގާނޫނުތަކާއި ބައިނަލްއަގުވާމީ މާލީ މިންގަނޑުތަކަށް ފުރިހަމައަށް ފެތޭ ގޮތަށެވެ. މި ވޮލެޓް މެދުވެރިކޮށް ރާއްޖެއާއި ރާއްޖެއިން ބޭރުގެ މުއާމަލާތްތައް ކުރެވޭއިރު، ބީއެމްއެލް އެކައުންޓްތަކުގެ އިތުރުން ކޮންމެ ކްރެޑިޓް، ޑެބިޓް އަދި ޕްރިޕެއިޑް ކާޑަކުންވެސް ފަސޭހަކަމާއެކު ސްވައިޕް ވޮލެޓަށް ފައިސާ ޖަމާކުރެވޭނެއެވެ.
މި އައު އެއްބަސްވުމުގެ ސަބަބުން ފަތުރުވެރިކަމުގެ ދާއިރާގައި ޑިޖިޓަލް ޚިދުމަތްތައް އަވަސްވެ، މަސައްކަތުގެ ހިންގުން ހަރުދަނާވެގެންދާނެ ކަމަށް ބީއެމްއެލް އިން ބުނެއެވެ. އަދި ބައިނަލްއަގުވާމީ މައިދާނުގައި ރާއްޖޭގެ ފަތުރުވެރިކަމުގެ މަގުބޫލުކަން އިތުރުވެ، ރާއްޖެއަކީ ޓެކްނޮލޮޖީގެ ގޮތުން ކުރިއަރާފައިވާ މަންޒިލެއްގެ ގޮތުގައި އިޝްތިހާރުވެގެންދާނެ ކަމަށް ދެ މުއައްސަސާއިންވެސް އުންމީދު ކުރެއެވެ.
ކިޔުންތެރިންގެ ހިޔާލު