ލާމު އަތޮޅު ގަމު ތުނޑީ އަވަށުގެ ލިންކް ރޯޑުގައި ދެ ސައިކަލު ޖެހިގެން ހިނގި ނުރައްކާތެރި އެކްސިޑެންޓެއްގައި ދެ މީހަކަށް އަނިޔާވެ، ހޮސްޕިޓަލުގައި ފަރުވާދޭން ފަށައިފިއެވެ. މި ހާދިސާ ހިނގާފައިވަނީ ރޭގެ ވަގުތެއްގައެވެ.
ފުލުހުންގެ އިދާރާއިން މައުލޫމާތު ދެއްވި ގޮތުގައި، ގަމު ލިންކް ރޯޑުގައި ދެ ސައިކަލު ޖެހި އެކްސިޑެންޓެއް ވެގެން އުޅޭ ކަމުގެ ރިޕޯޓް އެ ފަރާތަށް ލިބިފައިވަނީ އާދީއްތަ ދުވަހުގެ ރޭ 21:36 ހާއިރުއެވެ. މި ހާދިސާ ހިނގަން މެދުވެރިވި ސަބަބެއް ފުލުހުން އަދި ހާމައެއް ނުކުރެއެވެ.
މި އެކްސިޑެންޓްގައި އަނިޔާވެފައިވަނީ އަންހެނަކަށާއި ފިރިހެނަކަށެވެ. އެ ދެ މީހުންނަށްވެސް މިހާރު ގެންދަނީ ހޮސްޕިޓަލުގައި ފަރުވާ ދެމުންނެވެ. ނަމަވެސް އެމީހުންނަށް ލިބިފައިވާ އަނިޔާގެ ތަފްސީލެއް އަދި އެނގިފައެއް ނުވެއެވެ.
ފުލުހުން އިތުރަށް ވިދާޅުވީ، މި މައްސަލަ މިހާރު ގެންދަނީ ވަރަށް ސީރިއަސް މައްސަލައެއްގެ ގޮތުގައި ތަހުގީގު ކުރަމުން ކަމަށެވެ. ލިންކް ރޯޑަކީ އާންމުކޮށްވެސް ބާރު ދުވެލީގައި އުޅަނދުތައް ދުއްވާ ސަރަހައްދަކަށް ވުމުން، ދުއްވާ ފަރާތްތަކުން ސަމާލުވުމަށް ފުލުހުން އިލްތިމާސް ކުރެއެވެ.
ފުލުހުން އިތުރަށް ވިދާޅުވީ، މި މައްސަލަ މިހާރު ގެންދަނީ ވަރަށް ސީރިއަސް މައްސަލައެއްގެ ގޮތުގައި ތަހުގީގު ކުރަމުން ކަމަށެވެ. ލިންކް ރޯޑަކީ އާންމުކޮށްވެސް ބާރު ދުވެލީގައި އުޅަނދުތައް ދުއްވާ ސަރަހައްދަކަށް ވުމުން، ދުއްވާ ފަރާތްތަކުން ސަމާލުވުމަށް ފުލުހުން އިލްތިމާސް ކުރެއެވެ.
ކިޔުންތެރިންގެ ހިޔާލު