ރައްޔިތުންގެ މަޖިލިސް މިއަހަރަށް ހުޅުވުމަށްޓަކައި ބާއްވާ ޚާއްޞަ ޖަލްސާގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ރިޔާސީ ބަޔާން އިއްވަވަން ފެއްޓެވުމާއެކު، އިދިކޮޅު އެމްޑީޕީގެ މެންބަރުން މަޖިލީހުގެ ތަޅުމުގައި އިހުތިޖާޖު ކުރަން ފަށައިފިއެވެ.

މަޖިލީހުގެ ރައީސް ޢަބްދުއްރަޙީމް ޢަބްދުﷲ ރިޔާސަތު ބެލެހެއްޓެވި މި ޖަލްސާގައި، ރައީސް މުޢިއްޒު ތަޤުރީރު ކުރައްވަން ފެއްޓެވިތާ ކުޑަ ވަގުތުކޮޅެއްގެ ތެރޭގައި އެމްޑީޕީގެ މެންބަރުން ވަނީ ކަށިގަނޑު ފުމެ، އަޑުގަދަކޮށް އިހުތިޖާޖު ކުރަން ފަށާފައެވެ. މީގެ އިތުރުން، އެމްޑީޕީގެ ބައެއް މެންބަރުން ވަނީ އެކިއެކި ޝުޢޫރުތައް ލިޔެފައިވާ ބޯޑުތަކާއި ލިޔުންތައް ރައީސަށް ފެންނާނޭހެން އަތުކޮޅަށް ނަގައިގެން ތިބެ ނުރުހުން ފާޅުކޮށްފައެވެ.

އެކަމާ ގުޅިގެން މަޖިލީހުގެ ރައީސް ވަނީ، ގަލޮޅު ދެކުނު ދާއިރާގެ މެންބަރު މީކާއީލް އާއި ވައިކަރަދޫ ދާއިރާގެ މެންބަރު ހުސައިން ޒިޔާދުގެ ނަން އިއްވާ މަޖިލީހުގެ ތަޅުމުން ނެރެފައެވެ.

އިދިކޮޅު ޕާޓީން މިފަދަ އިހުތިޖާޖެއް މި ބާއްވަނީ، ރައީސް މުޢިއްޒު އިއްވަވާ ރިޔާސީ ބަޔާންތަކަކީ "އިތުރުފުޅުތަކެއްގެ" މައްޗަށް ބިނާވެފައިވާ އެއްޗެއް ކަމަށް ތުހުމަތުކޮށްފައެވެ. މިކަމާ ގުޅޭގޮތުން އިއްޔެ ބޭއްވި ނޫސްވެރިންގެ ބައްދަލުވުމެއްގައި އެމްޑީޕީގެ ޕާލަމެންޓްރީ ގްރޫޕުން ބުނެފައިވަނީ، ރައީސް ވެވަޑައިގެންފައިވާ ވައުދުތަކާ އެއްގޮތަށް އަމަލީ މަސައްކަތްތައް ނުހިނގާ ކަމަށެވެ.

މަޖިލީހުގެ ތަޅުމުގައި އެމްޑީޕީގެ މެންބަރުން އިހުތިޖާޖު ކުރަމުންދިޔަ ނަމަވެސް، ރައީސް މުޢިއްޒު ގެންދަވަނީ އެކަންކަމަށް ބެއްލެވުމެއް ނެތި، ރިޔާސީ ބަޔާން އިއްވަވައި ތަޤުރީރު ކުރިއަށް ގެންދަވަމުންނެވެ.