ދިވެހިރާއްޖޭގެ އަސްކަރީ ޚަރަދުތައް ކުޑަކޮށް، ގައުމީ ކާނާގެ ބާވަތްތައް ރާއްޖޭގައި އުފެއްދުމަށް ކުރާ ޚަރަދު އިތުރުކުރުމަށް ގާނޫނީ ވަކީލު އަލީ ހުސެއިން ގޮވާލައްވައިފިއެވެ.

އަލީ ހުސެއިން މިކަމަށް ގޮވާލެއްވީ 2026 ވަނަ އަހަރުގެ ބަޖެޓުގައި އަސްކަރީ ޚަރަދުތަކަށް 2.6 ބިލިއަން ރުފިޔާ ހިމެނުމާ ގުޅިގެން އެކްސް (ކުރީގެ ޓްވިޓަރ) ގައި ކުރެއްވި ޕޯސްޓެއްގައެވެ.

އަލީ ހުސެއިން ވަނީ ބަޖެޓުގައި އަސްކަރީ ޚަރަދުތަކަށް 2.6 ބިލިއަން ރުފިޔާ ހިމެނުމާ ގުޅިގެން އެކަމާ މެދު ކަންބޮޑުވުން ހިއްސާކުރައްވާފައެވެ.

ރައްޔިތުންގެ މަޖިލީހުގެ ކެންދޫ ދާއިރާގެ ކުރީގެ މެމްބަރު ކަން ވެސް ކުރެއްވި އަލީ ހުސެއިން ވިދާޅުވީ، އަސްކަރީ ޚަރަދުތައް ކުޑަކޮށް، ކާނާގެ ބާވަތްތައް ރާއްޖޭގައި އުފެއްދުމަށް ކުރާ ޚަރަދު އިތުރުކޮށްގެން ނޫނީ އަޅުގަނޑުމެންގެ މިނިވަންކަން މުސްތަގުބަލުގައި ދަމަހައްޓަން އުނދަގޫވެދާނެ ކަމަށެވެ.

2026 ވަނަ އަހަރަށް ލަފާކޮށް މަޖިލީހަށް ހުށަހަޅާފައިވަނީ 64.2 ބިލިއަން ރުފިޔާގެ ބަޖެޓެކެވެ.