ކުޑަކުދިންނަށް ކުރާ އެކި ބާވަތުގެ އަނިޔާތައް ހުއްޓުވުމަށާއި، ކުޑަކުދިންގެ ޙައްޤުތައް ރައްކާތެރިކުރުމުގެ ނިޒާމު އިތުރަށް ހަރުދަނާކުރުމުގެ މަޤްޞަދުގައި އެކުލަވާލާފައިވާ ބައިނަލްއަޤްވާމީ މުހިންމު ޤަރާރެއް ކަމަށްވާ "ބޮގޯޓާ ކޯލް ޓު އެކްޝަން" ގައި ދިވެހިރާއްޖެއިން މިއަދު ސޮއިކޮށްފިއެވެ.
ޞިއްޙަތާއި ޢާއިލާއާއި އިޖުތިމާއީ އެހީއާ ބެހޭ ވުޒާރާއިން ހާމަކުރެއްވި ގޮތުގައި، ދިވެހިރާއްޖޭގެ ފަރާތުން މި ޤަރާރުގައި ސޮއިކުރެއްވީ މިނިސްޓަރ އޮފް ހެލްތް، ފެމިލީ އެންޑް ވެލްފެއަރ ޤީލާ ޢަލީ އެވެ.
"ބޮގޯޓާ ކޯލް ޓު އެކްޝަން" އަކީ 2024 ވަނަ އަހަރުގެ ނޮވެމްބަރު މަހު ކޮލަމްބިއާގެ ބޮގޯޓާގައި ބޭއްވުނު، ކުޑަކުދިންނަށް ކުރާ އަނިޔާ ހުއްޓުވުމާ ބެހޭ ފުރަތަމަ ބައިނަލްއަޤްވާމީ މަހާސިންތާގައި ބައިވެރިވި ޤައުމުތަކުން އިސްނަގައިގެން އެކުލަވާލި މުހިންމު ޤަރާރެކެވެ. މި ޤަރާރުގެ މައިގަނޑު މަޤްޞަދަކީ ކުޑަކުދިންނަށް އަނިޔާކޮށްގެން ހުށަހަޅާ މައްސަލަތަކަށް އިޖާބަދިނުމަށާއި، ކުޑަކުދިން ހިމާޔަތްކުރުމަށް ޤައުމީ އަދި ބައިނަލްއަޤްވާމީ ފެންވަރުގައި ކުރެވޭ މަސައްކަތްތައް ހަރުދަނާކޮށް އެއްބާރުލުން އިތުރުކުރުމެވެ.
މި ޤަރާރުގައި މައިގަނޑު ގޮތެއްގައި އަލިއަޅުވާލާފައިވަނީ ހޯދުންތަކާއި ޢިލްމީ ހެކިތަކުގެ މައްޗަށް ބިނާކޮށް ރައްކާތެރިކަމުގެ ފިޔަވަޅުތައް އެޅުމަށާއި، ޤާނޫނީ އަދި ސިޔާސަތުތަކުގެ އޮނިގަނޑުތައް ހަރުދަނާކުރުމަށެވެ. މީގެ އިތުރުން، ޑިޖިޓަލް މާޙައުލުތަކުގައި ކުޑަކުދިންނަށް ރައްކާތެރިކަން ކަށަވަރުކުރުމާއި، އިދާރީ ގުޅުންތައް ބަދަހިކުރުމުގެ އިތުރުން، ކުޑަކުދިންގެ ޙައްޤުތަކާއި ލާބައާ ގުޅޭ ނިންމުންތަކުގައި އެކުދިންގެ ބައިވެރިވުން މާނަހުރި ގޮތެއްގައި ހިމެނުމަށް ބާރުއަޅާފައިވެއެވެ.
މި ޤަރާރުގައި ހިމެނޭ ކަންކަމަކީ، ކުޑަކުދިންނަށް ކުރާ އަނިޔާ ހުއްޓުވުމަށާއި އެފަދަ ކަންކަމަށް އިޖާބަދިނުމަށް ރާއްޖެއިން 2024 ވަނަ އަހަރު އެކުލަވާލި 'ނޭޝަނަލް އެކްޝަން ޕްލޭން އޮން ޕްރިވެންޝަން އެންޑް ރެސްޕޯންޑިންގ ޓު ވަޔަލެންސް އަގެއިންސްޓް ޗިލްޑްރަން' އާ ސީދާ ގުޅިލާމެހިފައިވާ ކަންކަމެވެ. މި ޕްލޭންގެ އަމާޒަކީ ގޭތެރެއާއި، މަދަރުސާތަކާއި، މުޖުތަމަޢުގެ އިތުރުން އިންޓަނެޓްގެ ޒަރީއާއިންވެސް ކުދިންނަށް އަމާން މާޙައުލެއް ކަށަވަރުކޮށްދިނުމާއި، ނުރައްކަލަށް ހުށަހެޅޭ ކުދިން ދުރާލާ ދެނެގަނެ އެކަށީގެންވާ ޙިމާޔަތް ފޯރުކޮށްދިނުމެވެ.
މި ޤަރާރުގައި ސޮއިކުރުމަށް ބޭއްވި ރަސްމިއްޔާތުގައި މިނިސްޓަރ ޤީލާ ޢަލީ ވިދާޅުވީ، ކުޑަކުދިންނަށް ކުރާ އަނިޔާ ހުއްޓުވުމަށް ދެމެހެއްޓެނިވި މަސައްކަތްތަކެއް ބޭނުންވާ ކަމަށާއި، މިކަމުގައި މުޅި މުޖުތަމަޢާއި، ދައުލަތުގެ މުއައްސަސާތަކުގެ އިތުރުން މަދަނީ ޖަމްޢިއްޔާތަކުގެ ބައިވެރިވުން މުހިންމު ކަމަށެވެ. އަދި ކުޑަކުދިންގެ ރައްކާތެރިކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވާ ޚާއްޞަ އަހަންމިއްޔަތުކަން ފާހަގަކުރައްވައި، ރައީސުލްޖުމްހޫރިއްޔާއަށާއި، ޔުނިސެފް ހިމެނޭހެން މި ދާއިރާއިން އެހީތެރިކަން ފޯރުކޮށްދޭ ހުރިހާ ބައިނަލްއަޤްވާމީ ބައިވެރިންނަށް މިނިސްޓަރ ޝުކުރު އަދާކުރެއްވިއެވެ.
ރާއްޖެއިން މި ޤަރާރުގައި ބައިވެރިވުމާއެކު، ކުޑަކުދިންގެ ދިރިއުޅުމަށް ހެޔޮ ބަދަލުތަކެއް ގެނައުމަށް ބައިނަލްއަޤްވާމީ އިދާރާތަކާ ގުޅިގެން ޢަމަލީ ގޮތުން މަސައްކަތްކުރުމުގައި ދިވެހިރާއްޖެ ސާބިތުކަމާއެކު ދެމިއޮންނާނެ ކަމުގެ ޔަޤީންކަން ޞިއްޙަތާއި ޢާއިލާއާއި އިޖުތިމާއީ އެހީއާ ބެހޭ ވުޒާރާއިން ވަނީ ދެއްވާފައެވެ.
"ބޮގޯޓާ ކޯލް ޓު އެކްޝަން" އަކީ 2024 ވަނަ އަހަރުގެ ނޮވެމްބަރު މަހު ކޮލަމްބިއާގެ ބޮގޯޓާގައި ބޭއްވުނު، ކުޑަކުދިންނަށް ކުރާ އަނިޔާ ހުއްޓުވުމާ ބެހޭ ފުރަތަމަ ބައިނަލްއަޤްވާމީ މަހާސިންތާގައި ބައިވެރިވި ޤައުމުތަކުން އިސްނަގައިގެން އެކުލަވާލި މުހިންމު ޤަރާރެކެވެ. މި ޤަރާރުގެ މައިގަނޑު މަޤްޞަދަކީ ކުޑަކުދިންނަށް އަނިޔާކޮށްގެން ހުށަހަޅާ މައްސަލަތަކަށް އިޖާބަދިނުމަށާއި، ކުޑަކުދިން ހިމާޔަތްކުރުމަށް ޤައުމީ އަދި ބައިނަލްއަޤްވާމީ ފެންވަރުގައި ކުރެވޭ މަސައްކަތްތައް ހަރުދަނާކޮށް އެއްބާރުލުން އިތުރުކުރުމެވެ.
މި ޤަރާރުގައި މައިގަނޑު ގޮތެއްގައި އަލިއަޅުވާލާފައިވަނީ ހޯދުންތަކާއި ޢިލްމީ ހެކިތަކުގެ މައްޗަށް ބިނާކޮށް ރައްކާތެރިކަމުގެ ފިޔަވަޅުތައް އެޅުމަށާއި، ޤާނޫނީ އަދި ސިޔާސަތުތަކުގެ އޮނިގަނޑުތައް ހަރުދަނާކުރުމަށެވެ. މީގެ އިތުރުން، ޑިޖިޓަލް މާޙައުލުތަކުގައި ކުޑަކުދިންނަށް ރައްކާތެރިކަން ކަށަވަރުކުރުމާއި، އިދާރީ ގުޅުންތައް ބަދަހިކުރުމުގެ އިތުރުން، ކުޑަކުދިންގެ ޙައްޤުތަކާއި ލާބައާ ގުޅޭ ނިންމުންތަކުގައި އެކުދިންގެ ބައިވެރިވުން މާނަހުރި ގޮތެއްގައި ހިމެނުމަށް ބާރުއަޅާފައިވެއެވެ.
މި ޤަރާރުގައި ހިމެނޭ ކަންކަމަކީ، ކުޑަކުދިންނަށް ކުރާ އަނިޔާ ހުއްޓުވުމަށާއި އެފަދަ ކަންކަމަށް އިޖާބަދިނުމަށް ރާއްޖެއިން 2024 ވަނަ އަހަރު އެކުލަވާލި 'ނޭޝަނަލް އެކްޝަން ޕްލޭން އޮން ޕްރިވެންޝަން އެންޑް ރެސްޕޯންޑިންގ ޓު ވަޔަލެންސް އަގެއިންސްޓް ޗިލްޑްރަން' އާ ސީދާ ގުޅިލާމެހިފައިވާ ކަންކަމެވެ. މި ޕްލޭންގެ އަމާޒަކީ ގޭތެރެއާއި، މަދަރުސާތަކާއި، މުޖުތަމަޢުގެ އިތުރުން އިންޓަނެޓްގެ ޒަރީއާއިންވެސް ކުދިންނަށް އަމާން މާޙައުލެއް ކަށަވަރުކޮށްދިނުމާއި، ނުރައްކަލަށް ހުށަހެޅޭ ކުދިން ދުރާލާ ދެނެގަނެ އެކަށީގެންވާ ޙިމާޔަތް ފޯރުކޮށްދިނުމެވެ.
ރާއްޖެއިން މި ޤަރާރުގައި ބައިވެރިވުމާއެކު، ކުޑަކުދިންގެ ދިރިއުޅުމަށް ހެޔޮ ބަދަލުތަކެއް ގެނައުމަށް ބައިނަލްއަޤްވާމީ އިދާރާތަކާ ގުޅިގެން ޢަމަލީ ގޮތުން މަސައްކަތްކުރުމުގައި ދިވެހިރާއްޖެ ސާބިތުކަމާއެކު ދެމިއޮންނާނެ ކަމުގެ ޔަޤީންކަން ޞިއްޙަތާއި ޢާއިލާއާއި އިޖުތިމާއީ އެހީއާ ބެހޭ ވުޒާރާއިން ވަނީ ދެއްވާފައެވެ.
ކިޔުންތެރިންގެ ހިޔާލު