ސްޕްރީމް ކޯޓުގެ ފުރާޅުން ޓިނު ނެގުމާއި ރައްޔިތުންގެ މަޖިލިސް ކުރާ ގޭގައި ތަޅުއެޅުވުމުގެ ތަފާތަކީ ކޮބައިތޯއޭ ވިދާޅުވެ ފޭދޫ ދާއިރާގެ މެމްބަރު މުޙައްމަދު ނިހާދު ސުވާލު ކުރަށްވައިފިއެވެ.

ރައްޔިތުންގެ މަޖިލީހުގެ ރައީސާއި ނާއިބް ރައީސްގެ އިތުބާރު ނެތް ކަމަށް މަޖިލީހަށް ހުށައެޅުމާއެކު ކޮމެޓީތައް އެކުލަވާލުމުގައި ޚިޔާލު ތަފާތުވުންތައް ބޮޑުވެ މަޖިލީހުގެ މަސައްކަތް ވަނީ މުޅިން ހުއްޓިފައެވެ. މަޖިލީހުގެ އިދާރާ އިން މިއަދު ވަނީ ކޮމެޓީތަކުގެ ކޮޓަރިތައް ވެސް ތަޅުލާފައެވެ. އެކަމާ ގުޅިގެން ފޭދޫ ދާއިރާގެ މެމްބަރު މުޙައްމަދު ނިހާދު ވަނީ ސްޕްރީމް ކޯޓުގެ ފުރާޅުން ޓިނު ނެގުމާ މަޖިލިސް އިދާރާ ތަޅުއެޅުވުމާއި ހުރި ތަފާތަކީ ކޮބައިތޯ ސުވާލު ކުރަށްވާފައެވެ.

Supreme Court furaalhun tinu negumekey Majlis Kuraa geyga thalhu elhuvumekey thafaatheh kobaa? Hageegathugai kan kuramun Dhanee eah vuren Ves hadi huthuru mududhaaru gothakah! Amilla Edhumah gaumeh fundaalun mi balai ganeveyne kameh noon! Bas nubune keih kurevijje! Dhen nuvaane..

— Feydhoo Meehaa (Mohamed Nihad) (@nihad_m) June 12, 2023

ސްޕްރީމް ކޯޓުގެ ފުރާޅުން ޓިނުނަގާފައިވަނީ ކުރީގެ ރައީސް ޔާމިންގެ ވެރިކަމުގައި ސިޔާސީ ބޭފުޅުންތަކެއް ދޫކޮށްލަން އެ ކޯޓުން ނެރުނު އަމުރާއި ގުޅިގެން ކުއްލި ނުރައްކަލުގެ ހާލަތު އިއުލާނުކުރުމަށްފަހުއެވެ. އެގޮތުން ސިފައިން ފޮނުވައިގެން ސްޕްރީމް ކޯޓުގެ ފުރާޅުން ޓިނުނަގައިގެން ޔާމިންގެ ސަރުކާރުން ވަނީ އޭރުގެ އުއްތަމަ ފަނޑިޔާރާއެކު އިތުރު ފަނޑިޔާރަކު ހައްޔަރުކޮށްފައެވެ.

އެ ހަނދާންތައް އާކުރަށްވަމުން ނިހާދު ވިދާޅުވީ ހަގީގަތުގައި މިއަދު ކަންކަން ކުރަމުންދަނީ އެއަށްވުރެ ހަޑިހުތުރުކޮށް ކަމަށެވެ. އަމިއްލަ އެދުމަށް ގައުމު ފުނޑާލުން އެއީ ބަލައިގަނެވޭނެ ކަމެއް ނޫންކަމަށް ނިހާދު ވިދާޅުވިއެވެ

"ބަސް ނުބުނެ ކެތްކުރެވިއްޖެ، ދެން ނުވާނެ،" ނިހާދު ވިދާޅުވިއެވެ.