ފ.ފީއަލީގައި ތަރައްޤީކުރި އިންޖީނުގެއާއި އައިސް ޕްލާންޓް ހުޅުވައިފިއެވެ.

ފީއަލީގައި ބޭއްވި ރަސްމިއްުޔާތެއްގައި ފ.ފީއަލީގައި ތަރައްޤީކުރި އިންޖީނުގެއާއި އައިސް ޕްލާންޓް ހުޅުވައިދެއްވީ ރައީސުލްޖުމްހޫރިއްޔާ އިބްރާހިމް މުހައްމަދު ސާލިހުއެވެ.

މި އައިސްޕްލާންޓަކީ ސަރުކާރުގެ ބަޖެޓުން ހަރަދުކޮށްގެން ތަރައްޤީކޮށްފައިވާ އައިސްޕްލާންޓެކެވެ. މިއީ 50 ޓަނުގެ އައިސް އުފެއްދުމުގެ ކެޕޭސިޓީ ހުރި އައިސްޕްލާންޓެކެވެ. މިއީ މިފްކޯއިން އެކުންފުންޏާއި ހަވާލުކުރި 14 އައިސް ޕްލާންޓްގެ ތެރެއިން އައިސް ޕްލާންޓެކެވެ.

President @ibusolih inaugurated the new powerhouse and @teamfenaka administrative building on F. Feeali Island. He also inaugurated an ice plant on the island, capable of generating 25 tonnes of ice and offering a storage capacity of 50 tonnes. pic.twitter.com/owbCKQKqDA

— The President's Office (@presidencymv) May 28, 2023

މި ރަސްމިއްުޔާތުގައި ވަނީ ފެނަކައިން ފީއަލީގައި ތަރައްޤީކުރި އައު އިންޖީނުގެވެސް ހުޅުވައިދެއްވާފައެވެ. އަދި ފެނަކައިގެ އޮފީސްގެ މި ރަސްމިއްޔާތުގައި ވަނީ ހުޅުވައިދެއްވާފައެވެ.

ރައީސުލްޖުމްހޫރިއްޔާ ފީއަލީއަށް ވަޑައިގެންނެވީ ފ. އަތޮޅުގެ ފަސް ރަށަށް ކުރައްވާ ދަތުރުފުޅުގެ ފަހު މަންޒިލެއްގެ ގޮތުގައެވެ. ރައީސް ސާލިހުގެ ދެ ކަނބަލުން ފީއަލިއަށް ވަޑައިގެންނެވުމުން އެމަނިކުފާނަށް އެ ރަށުން ވަނީ ހޫނު މަރުހަބާއެއް ދަންނަވާފައެވެ.

ރައީސް ސާލިހު ފ. އަތޮޅަށް ކުރެއްވި ދަތުރުފުގައި ނިލަންދޫ، ދަރަނބޫދޫ، މަގޫދޫ، ބިލެއްދޫއަށް ވަޑައިގެން އެ ރަށްރަށުގައި ހިންގާފައިވާ ތަރައްޤީގެ މަޝްރޫޢުތައް ވަނީ އިފްތިތާހުކޮށްދެއްވާފައެވެ.

މި ދަތުުރުފުޅުގައި ރައީސް އަރިހުގައި ކެބިނެޓް މިނިސްޓަރުންނާއި ކުންފުނިތަކުގެ އިސްވެރިން ބައިވެރިވެވަޑައިގެންނެވިއެވެ.