ފ. ބިލެއްދޫގައި ފެނަކައިން ތަރައްގީކުރި އިންޖީނުގެ އާއި އިންޖީނުގޭގެ އޮފީސް އިމާރާތް ހުޅުވައިފިއެވެ.



އިންޖީނުގެ އާއި އިންޖީނުގޭގެ އޮފީސް އިމާރާތް ހުޅުވައިދެއްވީ އެ ރަށުގައި މިއަދު ބޭއްވި ރަސްމިއްޔާތެއްގައި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހެވެ.

މިއަދު ހުޅުވި ބިލެއްދޫ އިންޖީނުގެއަކީ މީގެ އަހަރެއްހާ ދުވަސް ކުރިން މަސައްކަތް ފެށި ތަނެކެވެ. މީހުން ދިރިއުޅޭ ސަރަޙައްދުގައި ހުރި ބާާ އިންޖީނުގޭގެ ބަދަލުގައި މިއަދު ހުޅުވާފައި ވަނީ އަލަށް ތަރައްގީކުރި ޒަމާނީ އިންޖީނުގެ އެކެވެ.

އެ ރަށުގައި ހުޅުވި ފެނަކައިގެ އައު އޮފީހަކީ ކުރީގެ ބާ އޮފީހާއި އަޅާބަލާއިރު ޖާގައިގެ ގޮތުން ތަނަވަސް، ޒަމާނީ އޮފީހެކެވެ.

This morning, President @ibusolih and First Lady Fazna Ahmed arrived on F. Bilehdhoo Island, the fourth stop on their two-day visit to five islands of Faafu Atoll. Upon arrival, they were warmly greeted by the island’s community. pic.twitter.com/PZA1z5HUk2

— The President's Office (@presidencymv) May 28, 2023

ރައީސް ސާލިހު ބިލެއްދޫއަށް ވަޑައިގަތީ ފ. އަތޮޅުގެ ރަށްތަކަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިންނެވެ.

ފ. އަތޮޅަށް ރައީސްގެ ދެ ކަނބަލުން ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން ބިލެއްދޫއަށް މިއަދު ހެނދުނު ވަޑައިގެންނެވިއިރު، އިއްޔެ އެމަނިކުފާނު ވަނީ ދަރަނބޫދޫ، މަގޫދޫ، ނިލަންދޫއަށް ވަޑައިގެންފައެވެ.

ބިލެއްދޫއަށް ވަޑައިގަތުމުން ރައީސްގެ ދެކަނބަލުންނަށް މަރުހަބާ ދެންނެވުމަށް އެ ރަށު ގިނަ އަދަދެއްގެ ބަޔަކު ބަނދަރު ސަރަހައްދަށް ނުކުތެވެ.