ރާއްޖެއާއި މެލޭޝިޔާއާ ދެމެދު ޑަބަލް ޓެކްސް އެވޮއިޑަންސް އެއްބަސްވުމެއް ގާއިމްކޮށްފިއެވެ.

މި އެއްބަސްވުމަކީ ޑަބަލް ޓެކްސް ނެގުން ހުއްޓުވުމާއި ޓެކްސްއަށް މަކަރު ހެދުން ހުއްޓުވުމަށް ގާއިމްކުރާ އެއްބަސްވުމެކެވެ.

މި އެއްބަސްވުމުގައި ސަރުކާރުގެ ފަރާތުން ސޮއިކުރެއްވީ ފިނޭންސް މިނިސްޓަރ އިބްރާހިމް އަމީރެވެ. މެލޭޝިޔާގެ ސަރުކާރުގެ ފަރާތުން ސޮއިކުރެއްވީ އަހުމަދު މަސްލަންއެވެ.

Maldives signs a Double Tax Avoidance Agreement with Malaysia. The Agreement aims to enhance taxpayer certainty and avoid double taxation of income from residents of both countries. 1/2 pic.twitter.com/11aO1aO6sE

— Ministry of Finance (@MoFmv) May 24, 2023

މެލޭޝިޔާގެ ޕާލިމެންޓް އިމާރާތުގައި ބޭއްވި މި ރަސްމިއްޔާތުގައި މީރާގެ ޗެއަރޕަރސަން އަހުމަދު ޝަރުވާސް ބައިވެރިވެވަޑައިގެންނެވިއެވެ.

ޑަބަލް ޓެކްސްގެ މައްސަލަ ހައްލުކުރުމުގެ އިތުރުން، މި އެއްބަސްވުމުގެ ސަބަބުން ދެ ގައުމުގެ ވިޔަފާރީގެ ގުޅުން ބަދަހިވެގެން ދާނެކަމަށް ސަރުކާރުން ބުނެއެވެ. މިއީ ރާއްޖެއިން ސޮއިކުރި ޑަބަލް ޓެކްސޭޝަނާ ގުޅޭގޮތުން ގާއިމްކުރި 3 ވަނަ އެއްބަސްވުމެވެ.