އެމްޑީޕީން ވަކިވެގެންދިޔަ ފިކުރެއްގެ ދިރުމުގެ ބޭފުޅުން އުފައްދާ ޕާޓީއަށް ނަމެއް ހޯދަން ހުޅުވާލައިފިއެވެ.

މި ޕާޓީއަކީ މަޖިލިހުގައި ހިމެނޭ އެމްޑީޕީގެ މެމްބަރުންގެ ތެރެއިން ޕާޓީން ވަކިވި ރައީސް ނަޝީދަށް ތާއިދުކުރައްވާ 12 މެމްބަރަކު އިސްކޮށް ތިއްބަވައިގެން އުފައްދާ ސިޔާސީ ޕާޓީއެކެވެ.

އެ ބޭފުޅުން އުފައްދާ ޕާޓީއަށް ކިޔާނެ ނަމެއް އޮތީ އަދި ނޭގުމެއްގެ ތެރޭގައެވެ.

ކިތަންމެ ރައްޔިތުންކީ ނަމަވެސް މިވަގުތު ހުރި ސިޔާސީ ޕްލެޓްފޯމް ތަކުގެ ނިންމުންތަކުގައި ބަސްކިޔަނީ މަދުއެއް.

މި ޕްލެޓްފޯމް ވެގެންދާނީ ދިވެހިރާއްޖޭގެ އެންމެ ބައިވެރިވުން ބޮޑު ސިޔާސީ ޕްލެޓްފޯމަށް.

ސިޔާސީ މަގާމެއް އަދާ ނުކޮށް ގައުމުގެ ނިންމުން ތަކުއި ޒުވާނުން ބަސްކިޔަން ބޭނުންވޭ pic.twitter.com/40MvN9qGwu

— Yasir Abdul Latheef (@YasirLathyf) May 20, 2023

ފިކުރެއްގެ ދިރުމުން ބުނީ 21 މޭގެ ހެނދުނު 6:00 ޖެހުމާއި ހަމައަށް ހުށަހަޅާ ނަންތައް ބަލައިގަންނާނެކަމަށެވެ.

ނަމެއްގެ އިތުރުން ކުލައާއި ލޯގޯއެއް ހުށަހެޅުމުގެ ފުރުސަތުވެސް ވަނީ ހުޅުވާލާފައެވެ.

ފިކުރެއްގެ ދިރުމުން ބުނީ އައު ޕާޓީގެ ކަންކަމާއި މެދު މަޝްވަރާކުރުމަށް މިރޭ ބައްދަލުވުމެއް އޮންނާނެކަމަށެވެ.