ރާއްޖެއާއި ސާބިއާއާ ދެމެދު ކުޅިވަރުގެ ދާއިރާއިން އެއްބާރުލުން ދިނުމުގެ އެމްއޯޔޫއެއްގައި ސޮއިކޮށްފި އެވެ.

ރާއްޖެއާއި ސާބިއާއާ ދެމެދު ކުޅިވަރުގެ ދާއިރާއިން އެއްބާރުލުން ދިނުމުގެ އެމްއޯޔޫއެއްގައި ސޮއިކުރީ މިއަދުގެ ވަގުތެއްގައެވެ. އެ އެމްއޯޔޫގައި ދިވެހި ސަރުކާރުގެ ފަރާތުން ސޮއިކުރެއްވީ ފޮރިން މިނިސްޓަރު ޝާހިދެވެ.

މި އެއްބަސްވުމުގައި ސޮއިކުރެއްވުމަަށްފަހު ކުރެއްވި ޓުވީޓެއްގައި ފޮރިން މިނިސްޓަރު ޝާހިދު ވިދާޅުވީ ކުޅިވަރުގެ ދާއިރާއިން ޒުވާނުންނަށް ފުރުސަތު ހޯދައިދިނުމަކީ ރައީސް ސާލިޙުގެ ސަރުކާރުން އިސްކަންދޭ ކަމެއް ކަމަށެވެ.



އެގޮތުން މިނިސްޓަރު ޝާހިދު ވިދާޅުވީ މިއަދު ދިވެހިރާއްޖެ އާއި ސާރބިއާއާ ދެމެދު ކުޅިވަރުގެ ދާއިރާއިން ސޮއި ކުރެވުނު އެއްބަސްވުމުގެ ސަބަބުން ދިވެހި އެތުލީޓުންނަށް ސާރބިއާގައި ތަމްރީނުވެ ތަޖުރިބާ ހޯދުމަށް އައު ދޮރުތަކެއް ހުޅުވިގެންދާނެ ކަމަށެވެ. އަދި މި އެއްބަސްވުމުގެ ދަށުން ދިވެހި ޒުވާނުންނަށް ކުޅިވަރުގެ ރޮނގުން އިތުރު ފުރުސަތުތައް ފަހިވެގެންދާނެ ކަމަށް ޝާހިދު ވިދާޅުވިއެވެ.



ކިޔުންތެރިންގެ ހިޔާލު