މާމިގިލި ދާއިރާއިން ޖޭޕީއަށް 116 މެމްބަރުން ދެ ހަފްތާގެ ތެރޭގައި ގުޅިފައިވާކަމަށް ޕާޓީގެ ލީޑަރު އަދި ރިޔާސީ ކެނޑިޑޭޓް ޤާސިމް އިބްރާހިމް ވިދާޅުވެއްޖެއެވެ.

ގާސިމް ވިދާޅުވީ މާމިލިގިލި ދާއިރާގައި ހިމެނޭ އދ.މާމިގިލި އަދި ފެންފުއްޓަކީ ޒަމާނުއްސުރެ ޖުމްހޫރީ ޕާޓީއަށާއި އަދި އަޅުގަނޑުގެ ސިޔާސީ މަސައްކަތްތަކަށް ނުހަނުބޮޑު ތާއީދެއް ދެއްވަވަމުން ގެންދަވާ ރައްޔިތަކު ދިރިއުޅުއްވާ 2 ރަށްކަމަށެވެ.

މާމިލިގިލި ދާއިރާގައި ހިމެނޭ އދ މާމިގިލި އަދި ފެންފުއްޓަކީ ޒަމާނުއްސުރެ ޖުމްހޫރީ ޕާޓީއަށާއި އަދި އަޅުގަނޑުގެ ސިޔާސީ މަސައްކަތްތަކަށް ނުހަނުބޮޑު ތާއީދެއް ދެއްވަވަމުން ގެންދަވާ ރައްޔިތަކު ދިރިއުޅުއްވާ ދެ ރަށެވެ. އިއްޔެވެސް 72 މެމްބަރުން އަޅުގަނޑުމެންނާއި ގުޅިފައިވާ އިރު ފާއިތުވި… pic.twitter.com/MXxLUSldg6

— Qasim Ibrahim (@qasimibrahim) May 8, 2023

ގާސިމް ވިދާޅުވީ އިއްޔެވެސް 72 މެމްބަރުން ޖޭޕީއާ ގުޅިފައިވާއިރު ފާއިތުވި ދެތިން ހަފްތާގައިވެސް މާމިގިލި ދާއިރާއިން ވަނީ ޖުމްހޫރީ ޕާޓީއާއި އަލަށް 116 މެންބަރުން ގުޅިވަޑައިގެންފައިވާކަމަށެވެ.

ޖުމްހޫރީ ޕާޓީން ރިޔާސީ އިންތިހާބަށް ކެމްޕެއިން ކުރަމުންދާއިރު 18 އަހަރުން މަތީގެ އެންމެން ޖުމްހޫރީ ޕާޓީން ފަށާފައިވާ ރިޔާސީ ދަތުރާއި ގުޅެންވެސް ޤާސިމް ވަނީ އެދިވަޑައިގެންފައެވެ. އަދި އަލަށް ގުޅިވަޑައިގަތް އެންމެހާ މެންބަރުންނަށް މަރުހަބާ އާއި ޝުކުރު ދަންނަވާކަމަށްވެސް ގާސިމް ވިދާޅުވިއެވެ.