ޤައުމީ ޓީމުގެ ކުރީގެ 1 ނަމްބަރު ކީޕަރު އަސްލަމް އަބުދުއްރަހީމް ޖުމްހޫރީ ޕާޓީއަށް ސޮއިކޮށްފިއެވެ.

އަސްލަމް ޖޭޕީއަށް ސޮއިކޮށްފައިވާއިރު، އޭނާގެ ފޯމް ހަވާލުކޮށްފައިވަނީ ޖުމްހޫރީ ޕާޓީގެ ލީޑަރު ގާސިމް އިބްރާހިމާއެވެ. އަސްލަމްގެ އިތުުރުން އޭނާގެ އާއިލާގެ ބައެއް މެމްބަރުންވެސް ވަނީ ޖޭޕީއާ ގުޅިވަޑައިގެންފައެވެ.

ޖުމްހޫރީ ޕާޓީއާއި މިއަދު އަލަށް ގުޅިވަޑައިގެންނެވި ޒުވާނުންނަށް ޕާޓީގެ ލީޑަރު އޮނަރަބަލް ޤާސިމް އިބްރާހީމާއި @qasimibrahim ޕާޓީގެ ލީޑަރޝިޕުގެ ނަމުގައި މަރުޙަބާ އާއި ތަޙްނިޔާ ދަންނަވަމެވެ. މި ޕާޓީއަކީ ހުރިހާފަންތިއަކާއި ގިންތިއަކަށް ވެސް ފުރުޞަތު އޮންނާނެ ޕާޓީއެކެވެ. pic.twitter.com/igR6TgEBpk

— ali solih (@alisolih) May 7, 2023

އަސްލަމަކީ ރާއްޖޭގެ ކުރީގެ 1 ނަމްބަރު ކީޕަރުގެ އިތުރުން ވެލެންސިއާ، ނިއުރޭޓިއަންޓް އަދި އެހެން ބައެއް ބޮޑެތި ކްލަބްތަކަށްވެސް ކުޅެފައިވާ މޮޅު ކީޕަރެކެވެ. އަދި އޭނާ އަކީ ޤައުމީޓީމާއި ކްލަބް ފެންވަރުގައިވެސް ގިނަ ކާމިޔާބީތަކެއް ހޯދާފައިވާ ކުޅުންތެރިއެކެވެ.

ކުރިއަށް އޮތް ރިޔާސީ އިންތިހާބުގައި ޖޭޕީން ވާދަކުރަން ނިންމާފައިވާއިރު، އެ ޕާޓީން ދަނީ ފުޅާ ދާއިރާއެއްގައި ކެމްޕެއިން ކުރަމުންނެވެ. އަދި އެ ކެމްޕެއިންގެ ތެރެއިން ގިނަ ބަޔަކު ދަނީ އެ ޕާޓީއާ ގުޅެމުންނެވެ.