ސިފައިންގެ އެކި ކަންކަމުގައި ބޭނުންކުރަމުން އަންނަ ސިފަވަރު ނުވަތަ އުތުރު ތިލަފަޅުގައި އަސްކަރީ ބަނދަރެއް ތަރައްޤީކުރުމުގެ މަޝްރޫޢު އިފްތިތާހުކޮށްފިއެވެ.

ސިފަވަރުގަައި އަސްކަރީ ބަނދަރެއް ތަރައްޤީކުރުމުގެ މަޝްރޫޢު އިފްތިތާހުކޮށްފައި ވަނީ އިންޑިއާގެ ޑިފެންސް މިނިސްޓަރ ރާޖުނާތު ސިންގ ރާއްޖެއަށް މިހާރު ކުރައްވާ ދަތުރުފުޅުގެ ތެރެއިންނެވެ.

މި އަސްކަރީ ބަނދަރުގެ މަޝްރޫޢު އިފްތިތާހުކޮށްދެއްވީ އިންޑިއާގެ ޑިފެންސް މިނިސްޓަރ ރާޖުނާތު ސިންގއާއި ރާއްޖޭގެ ޑިފެންސް މިނިސްޓަރ މާރިޔާ އަހުމަދު ދީދީއެވެ.

The Defence Ministers of India and Maldives, H.E.@rajnathsingh & H.E.@MariyaDidi launched the Development of MNDF EKATHA Harbour Project at Sifavaru today. This facility will enhance readiness of MNDF Coast Guard & continue to resonate the defence cooperation of our two forces. pic.twitter.com/wAckYFx85T

— Maldives National Defence Force (@MNDF_Official) May 3, 2023

މި ބަނދަރު ތަރައްޤީކުރުމަށް ހަމަޖެހިފައިވަނީ "އެމްއެންޑީއެފް އެކަތަ" ބަނދަރުގެ ނަމުގައެވެ. އަދި މިއީ އެމްއެންޑީއެފްގެ ތަރައްޤީއަށް ކުރެވޭ މުހިއްމު ކަމެއްގެ ގޮތުގައި އެ މުއައްސަސާއިން ދެކެއެވެ.

އުތުރު ތިލަފަޅުގައި ޖެޓީއަކާއި، ހާބަރ ރިޕެއަރ ފެސިލިޓީ (އެޗް.އާރް.އެފް)، ސްލިޕްވޭ، އަދި ބަނދަރަށް ބޭނުންވާ އެހެނިހެން ޢުމްރާނީ ވަސީލަތްތައް ތަރައްޤީކުރުމާއި، މުއާޞަލާތީ ވަސީލާތްތަކާއި ރާޑަރުގެ ޚިދުމަތްތައް ތަރައްޤީ ކުރުމުގެ މަޝްރޫއަކީ އިންޑިއާ ސަރުކާރުގެ އެހީއާއެކު ކުރިއަށްގެންދާ މަޝްރޫޢެކެވެ.

އެއްބަސްވުމުގައިވާ ގޮތުގެ މަތިން، އިންޑިއާގެ ފަންނީ މާހިރުން، ދިވެހި މުވައްޒަފުން ތަމްރީނު ކުރުމާއި، ޑޮކްޔާޑް އަދި ބަނދަރުގައި ޤާއިމުކޮށްފައިވާ އެކިއެކި ވަސީލަތްތައް މަރާމާތުކޮށް ބެލެހެއްޓުމުގައި 15 އަހަރު ދުވަހުގެ މުއްދަތަކަށް އިންޑިއާއިން އެހީތެރި ވެދޭނެއެވެ.