މޯލްޑިވްސް ކަރެކްޝަން ސަރވިސްގެ ހެޑް އޮފީސް މާފަންނު އަޑަށް ބަދަލުކުރުމުގެ މަސައްކަތް ފަށައިފިއެވެ.

މޯލްޑިވްސް ކަރެކްޝަނަލް ސަރވިސްއިން ބުނީ ޣާޒީ ބިލްޑިންގައި ހިންގަމުންގެންދާ އެ އޮފީހުގެ ހެޑް އޮފީސް، ޕަބްލިކް ސަރވިސް މީޑިއާގެ މާފަންނުގައި ހުންނަ ރޭޑިއޯ ބިލްޑިންގނަށް ބަދަލުކުރުމުގެ މަސައްކަތް ގެންދަނީ ކުރަމުންނެވެ.



އެހެންކަމުން މިދަނޑިވަޅުގައި ސަރވިސްގެ ހެޑް އޮފީހުން ދެމުންގެންދާ ހިދުމަތްތަކަށް ބުރޫ އަރާނެތީ، ކަރެކްޝަނުބް ވަނީ ހިދުމަތް ހޯއްދަވާ ފަރާތްތަކުގެ ފަރާތުން މަޢަމާފަށް އެދިފައެވެ.

ކަރެކްޝަންސްގެ ހިދުމަތްތައް ރޭޑިއޯ ބިލްޑިންގއަށް ބަދަލުކުރެވުމުން ސަރވިސްގެ ހެޑް އޮފީހުން ދެމުންގެންދިޔަ ހިދުމަތް ފޯރުކޮށްދެމުންދާނީ ރޭޑިއޯ ބިލްޑިނގުންކަމަށްވެސް އެ އޮފީހުން ބުނެއެވެ.

ޣާޒީ ބިލްޑިންގް ތަޅާލާފައި އެތަނުގައި ޕާކިން ސަރަހައްދެއް ޤާއިމްކުރުމަށް ސަރުކާރުން ވަނީ ނިންމާފައެވެ.