އިންޑިއާގެ ހައިކޮމިޝަނުގެ އައު އޮފީހަށް ހާރިޖީ ވަޒީރު އަބްދުﷲ ޝާހިދު މިއަދު ޒިޔާރަތްކުރައްވައިފިއެވެ.

އިންޑިއާގެ ހައިކޮމިޝަނުގެ އައު އޮފީސް ހުންނަނީ ހުޅުމާލޭގެ ފުރަތަމަ ފިޔަވަހީގައެވެ. ކުރިން މިއީ މާލޭގައި ހުންނަ ތަނެކެވެ.

ޝާހިދު ވިދާޅުވީ އިންޑިއާ ސަފީރު މަނޫ މަހާވަރުގެ ދަޢުވަތަކަށް ހުޅުމާލޭގައި ހުންނަ އިންޑިޔާ ހައިކޮމިޝަނަށް މިއަދު ކުރެއްވި ޒިޔާރަތުގައި، ސަފީރާއި އިންޑިއާ ހައިކޮމިޝަންގެ ޓީމާ ބައްދަލުކުރެއްވިކަމަށެވެ. އަދި ދެޤައުމުގެ ދެދެމުގައި އޮތް ގާތް ގުޅުން އިތުރަށް ހަރުދަނާކުރުމަށްޓަކައި ކުރައްވަމުންގެންދަވާ މަސައްކަތްތައް ފާހަގަކުރަށްވައި އެކަމަށް ޝުކުރު އަދާކުރެއްވިކަމަށްވެސް ޝާހިދު ވިދާޅުވިއެވެ.

Had the privilege to visit the new premises of @HCIMaldives on invitation by the High Commissioner @AmbMunu today.

I thanked the High Commissioner and his excellent team for their close cooperation in further strengthening the strong ties between 🇲🇻 and 🇮🇳. pic.twitter.com/3amvNOnNuc

— Abdulla Shahid (@abdulla_shahid) April 26, 2023

މި ސަރުކާރުގައި އިންޑިއާއި ރާއްޖޭގެ ގުޅުން ދަނީ ވަރަށް ބޮޑަށް ބަދަހިވަމުންނެެވެ. އަދި އެ ގުޅުމުގެ ތެރެއިން ތަރައްޤީގެ ގިނަ މަސައްކަތްތަކެއް ދަނީ ހިންގަމުންނެވެ.