ހއ. އިހަވަންދޫ އެމްޑީޕީ މައި ހަރުގޭގައި ކޮތަޅުތަކެއް އެލުވީ އިދިކޮޅު ޕީޕިއެމްގެ އެކްޓިވިސްޓުން ކަމަށް އެދާއިރާގެ މަޖިލިސް މެމްބަރު މުހައްމަދު ޝިފާއު ވިދާޅުވެއްޖެއެވެ.

ޝިފާއު މިހެން ވިދާޅުވީ، އިހަވަންދޫ އެމްޑީޕީ މައި ހަރުގޭގައި ބަޔަކު ކޮތަޅުތަކެެއް އެލުވައި ރައީސް ސާލިޙާއި އެދާއިރާގެ ރައްޔިތުންގެ މަޖިލީހުގެ މެމްބަރު ޝިފާއުގެ އިތުރުން އެންވަޔަރަމެންޓް މިނިސްޓަރު އައިމިނަތު ޝައުނާގެ ފޮޓޯ ހަރުކުރި މައްސަލަ އާއި ގުޅިގެންނެެވެ. އެކަމަށް އިޝާރަތް ކުރަށްވައި އިހަވަންދޫ ދާއިރާގެ މަޖިލިސް މެމްބަރު މުހައްމަދު ޝިފާއު ވިދާޅުވީ އިހަވަންދޫގައި ތިބި ޕީޕިއެމް އެކްޓިވިސްޓުން އެމްޑީޕީގެ ހަރުގެއަށް ވަދެ ހިންގީ ފިނޑި އަމަލެއް ކަަމަށެވެ.

Ihavandhoo PPM activistun MDP Haruge ah vadhe hingi fidi amaleh. Siyaasee harakaath amilla harugeyga hingeema ragalhuvaane. https://t.co/TJf8sX03Hn

— Mohamed Shifau (@mhshifau) April 25, 2023

"ސިޔާސީ ހަރަކާތްތައް އަމިއްލަ ހަރުގޭގައި ހިންގީމަ ރަނގަޅުވާނެ،" އިދިކޮޅު ޕީޕިއެމަށް ފާޑުވިދާޅުވެ ޝިފާއު ވިދާޅުވިއެވެ.

އިހަވަންދޫ އެމްޑީޕީގެ ހަރުގޭގައި ކޮތަޅު ތަކެއް އެލުވާފައި މިވަނީ ތިމާވެއްޓަށް ގެއްލުންދޭ ޕްލާސްޓިކް މަދުކުރުމަށް ކޮންމެ ކޮތަޅަކުން 2 ރުފިޔާ ނަގަން ސަރުކާރުން ނިންމުމާއި ގުޅިގެން ކޮތަޅުގެ އަގު ބޮޑުވެ ރައްޔިތުންނަށް ބޮޑު ތަކުލީފެެއް އުފުލަންޖެހިފައިވާ ދަނޑިވަޅެއްގައެވެ. ސަރުކާރުން މިހާރު ވަނީ އެކަން އިސްލާހުކުރުމަށް މަޖިލީހަށް ހުށައަޅާފައެވެ.