ރައްޔިތުންގެ މަޖިލީހުގެ ރައީސް، އަދި ކުރީގެ ރައީސް މުހައްމަދު ނަޝީދު، ސްރީލަންކާގެ ރައީސް ރަނިލް ވިކްރަމްސިންހާ ބައްދަލުކުރައްވައިފި އެވެ.

ރަނިލްއާއެކު ބޭއްވި ބައްދަލުކުރެއްވުމަށް ފަހު އެމްޑީޕީގެ ރައީސް، މުހައްމަދު ނަޝީދު ވިދާޅުވީ، ވޮޝިންޓަންގައި ކުރިއަށްދިޔަ ކްލައިމެޓް ފޯރަމްގައި ކުރިއަށްދިޔަ ކަންކަމާއި ގުޅޭގޮތުން ރަނިލްއާ މަޝްވަރާ ކުރެއްވި ކަމަށެވެ.

Eid Mubarak everyone! Had a good discussion with President Ranil @RW_UNP today about the @TheCVF following my trip to Washington and New Delhi, including discussions to open a Secretariat office in India. pic.twitter.com/f0FcREMR4g

— Mohamed Nasheed (@MohamedNasheed) April 22, 2023

ނަޝީދު ލަންކާއަށް ވަޑައިގެންފައިވަނީ މިމަހުގެ 12 އިން 17 އަށް އިންޓަރނޭޝަނަލް މަނިޓަރީ ފަންޑް އައިއެމްއެފާއި ކްލައިމެޓް ވަލްނަރަބްލް ފޯރަމާއި ގުޅިގެން ބޭއްވި ވަލްނަރަބްލް-20 މާލީ ވަޒީރުންގެ 10 ވަނަ ބައްދަލުވުމުގައި ބައިވެރިވެވަޑައިގަތުމަށް އެމެރިކާއަށް ކުރެއްވި ދަތުރުފުޅަށްފަހުއެވެ. އެމަނިކުފާނުގެ ދަތުރުފުޅަށްފަހު ރާއްޖެ ވަޑައިގެންނެވުމުގެ ކުރިން އިންޑިއާއަށް ވަޑައިގަންނަވާ ގޮތަށް ވެސް ވަނީ ހަމަޖެހިފައެވެެ.